Saikot, January 23, 2022, Virthli (ONP): Independent Church of India Naupang Sunday School Union (South Area) 74th Annual Conference chu January 22-23, 2022 hun sung khan Saikawt ICI 'North' Biek In-ah hlim tlâng takin hmang a nih. Rev. Lalneikhum P/S, Tuiṭhaphai Presbytery in ICI NSSU Tuiṭhaphai Presbytery (South Area) 74th Annual Conference hawngna a nei a, South Area huop sunga khuo hrang hrang Unit 7-a NSSU Department hrang hrang ha'n thu le hla, le malzai ah inruolsiekna an nei. Inkhawmpui hmang huna hin Rev. Lalrohlu, EAL, ICI, Upa Ramkinlo, Chairman, Chairman, NSSU (South Area) hai a'nthawk Pathien thucha ropui tak tak el ngaithlak a nih.
Hieng lai zing hin ICI NSSU, Tuiṭhaphai Presbytery (North Area) hai khawma hlim le lawm takin Khawmawi ICI Biek In-ah 74th Annual Conference an hmang ve a, North Area huop sunga NSSU Department hrang hrang han inruolsiekna chi tum tum an nei.
ICI NSSU 74th Annual Conference, Tuiṭhaphai Presbytery ( North le South Area) hmang a ni huna hin Naupang Sunday School a kum 10 sunga naupang enkawl le inchuktirna sinthaw hai 'Chawimawina Thuziek' inhlan an nih.
North le South Area a Inkhâwmpui hmang a ni huna hin hmangaina ruoi khawm ṭhe niin a tâwp zân, Pathienni zân hin Lawmman Semna hai nei a ni a, dit khawp lo takin hun suktâwp a nih.
