Rengkai, October 24, 2021, Virthli (ONP): Independent Church of India, Rengkai Gilgal Kristien Ṭhalai Pawl-in Gilgal KṬP IDOL an huoihawt chu Rev. Lalramlawm Inbuon, EAL in tawngṭaia hawngna a nei zoin vawisûn, chawhnung dar 2:00 PM khan Gilgal NSSU Hall ah ṭan niin Audition round zo fel a lo ni tah.
Ṭhalai members hla tienga thiemthil nei hai phawrsuokna dinga KTP IDOL hi huoihawt a ni thu Virthli Palai an hril.
Hi huna hin music ṭhang loin a hângin contestant ha'n audition round pal thlang ngei tumin an râwl mawina le an thiemna po po insuoin hlâ an sak a, hlasak thiem ding beisei um tak tak an tam hle.
Gilgal KṬP IDOL a endiktuhai chu~ Tv. Lalthlawnpek Tusing, L.Z. Hmar, Nk.Erica Zarzokim le Tv. Eljay Ngaite hai an nih. Gilgal KṬP IDOL hi Nk. Jeneth Hrilnohnemin hne takin a host a, Audition round a hin KṬP members ṭhahnem tawk tak el an ṭhang a, November ni 7 ah Live Competion nei nawk a tih.
GILGAL KṬP IDOL hin chêng ₹10,000/- sawm a ta, music video siem pêk ni bawk a tih. 1st Runner-up in ₹7,000/- sawm a ta, 2nd Runner-up in ₹5,000/- a sawm bawk ding a nih.
