Responsive Ad Slot

ZEO Pherzawl camp office hawng; Result Awareness nei

Saturday, July 3, 2021

/ Published by VIRTHLI

CCPur, June 3, 2021,  (HT): July 2, 2021 khan Zonal Education Office (ZEO), Pherzawl chun ZEO/CCPur Office hlui, CCPur Hr. Sec. School-ah Camp office ding an hawng.



ZEO/ Pherzawl Camp Office hi Rev. Zawllienmawi in ṭawngṭainain an hlan a, hawng a ni le inzawmin zani ma khan office an hluo nghal. Office hawngna hi Lalhminglien, ZEO/PHerzawl le Andrea Sanching, AI of School le midang

dangin an uop. Office hawng a ni le inzawm hin ZEO/Pherzawl le inzawm thaw ding

nei hai chun hi lai hmun hi pan ding a nih.


Hieng laizing hin ‘Assessment/ Evalution Modalitary for the Result of HSLC Exam, 2021’ le inzawmin zanikhan ZEO/

Pherzawl Camp office-ah Pherzawl district sunga High School um haia inthawk Result Committee member han awareness programme an hmang.


Hun hmang sung hin Ms Mannuamching, DC/ Pherzawl khawm ṭhangin thuhrilna hun a hmang a, Resource person Stanley Chaoba le L. Okendro Sharma han HSLC result siem huna mark pek dan ding chungchang hrilhrietna an nei.


DC/Pherzawl chun, Pherzawl district a inthawk tukum exam ding hi 100 vel chau an ni a, CCPur –a school haia class pakhata student umzat nek khawmin an tlawm lem a. Sienkhawm mark pek kawngah fimkhur a pawimaw thu a hril a.


Exam ding hai ei hriet ngai vawng an I a, sienkhawm mark pek hunah tukhawm hmelhriet ti a um ding an nawh tiin, student han an phu tawk seng mak an hmu ding a nih tiin, ditsak leia mark tam tak pek chu student hai career suksietna a ni leiin an thiem dan izira mark pek ngei a pawimaw tiin a hril.


Evaluation sheet peklut chungchanga chun, student an tamnaw leiin zo vat a, a pelut hmasa taka ṭhang ding a nih tiin a hril a. Private school a thawktu han thla hlaw mumal taka an hmu naw lai Govt. thawktu han ṭha taka hlaw ei hmu zing a ni leiin, ei sinthawna ei hlaw hmuna a ni angin mani sin ngaipawimaw ding a nih tiin a hril bawk.


School kai thei ninaw sienkhawm mobile umn haiah online class neipui tum a ni thu hrilin, text book ṭha taka an inchuk theina dinga hma la dingin a ngen a, assignment hai pea student hai lekha inchukthiem tir ngei tum dingin ngenna a siem bawk.

Don't Miss
© all rights reserved
made with by Simon L Infimate