Tuițhaphai, July 1, 2021, Virthli (ONP): Independent Church of India, Central Kristien Țhalai Pawlin a buoitsai Online Crusade chu vawizan July 1, 2021, 8: 00 PM hin țan ning a tih. Beiruol a hin Rev. Evan John thuhriltu ning a ta, "Ti Naw" (Isai 41:10) ti thupui hmanga Pathien thucha ngaithlak ning a tih. Online Crusade hi July 1 - 4, 2021 sung, zan tin 8:00 - 9:30 PM inkar sung mitin en thei dingin ICI Central Choir Youtube Channel ah insuo ning a ta, chun Tuițhaphai sunga Hornbill Cable Network le Manmasi Cable a hai insuo ning a tih. Virthli members po po Online Crusade hi ursun le titak zeta țhang seng dingin ngaina takin Pathien hmingin fiel ei nih.
