Responsive Ad Slot

LOCKDOWN HI EXTEND A NI HMEL AM?

Thursday, April 9, 2020

/ Published by Simon L Infimate
India state 29 ah coronavirus natna hri hi an dar tah. Covid 19 natna hri hi district 300/736 neka tam ah an leng bawk. Covit 19 natna hri pai 5,274 an ni ta a. Tuchena hringna chan chu 149 an tling tah. Test ta popo 1,21,271 an tling tah.



Health Ministry in hmun sawmli le pakhat thlang dawk bikin invenghimna sin hrat takin a thaw zing.

A hnuoia hmun sawmpali hai khu coronavirus inkaihmat theina hmunpui anga ngai hai an nih

1. Bhilwara (Rajasthan).

Bhilwana khuo a mipui hai hi tukhawm tuol insuoktir an ni nawh. An nitin mamaw hai chu helpline number hmangin sawrkarin a pek pei. Lockdown chunga lockdown an tawng a nih. Chu chu "Bhilwara Model" an tih.

2. Noida, Lucknow, Meerut, Varanasi le Agra (Uttar Pradesh)

3. Nizamuddin West Area le Dishad Garden (Delhi NCT)

4. Mumbai le Pune (Maharastra)

5. Ahmedabad (Gujarat)

6. Kasaragod le Pathanamthitta (Kerala) le

7. Jaipur (Rajasthan)
 
Chun India rama district 736 hai chu Covid 19 natna hri inleng dodalna le inzawmin a hnuoia group thum khun the an nih.

A. Safe.

Coronavirus leia thi la um nawna district an nih. Thingtlang hai delna hmun a lienlem khawm hi zone a um a nih. Anachu, community transmission le inkaihmat hi ti a um.

B. Unsafe.

Inkaihmat theina hmun an nih.

C. Very Unsafe.

A tawm-a-tel-a zuk inkaihmat tawp theina hmun an nih.

A. April 14 zova lockdown la extend pei nuom state hai chu

1. UP

2. Madhya Pradesh

3. Maharastra

4. Rajasthan

5. Telangana

6. Delhi

7. Gujarat

8. Tamil Nadu

B. Lockdown zangkhai dan ding buoipuitu

1. West Bengal

2. Haryana

3. Kerala

4. Karnataka

C. Centre sawrkar ti dan dana ngaidan siem tum hai

1. Assam (Kum thara Bihu hmang tum an tamlem)

2. Mizoram

3. Tripura

4. Manipur

D. State dang 13 in ngaidan mumal an la siem thei nawh.

Corona Expert Group le Political parties a tamlemin lockdown hi la sunzawm an nuom thu sawrkar an hril tah. Economic tieng tlahnuoi zing inla khawm mipui ei la damsuok phawt phawt a ngai a nih titu an nih. Delhi Markaz Nizamuddin a Khakhmulsei hai inkhawmpuia lo zu thang hai zawngdawkna sin Police khawma an la zo nawh. Chuleiin nitin mamaw essential commodities le supplies tiengpang ei inrelbawl thawk khat ta tho chun lockdown hi June thla bul chen la sunzawm inla titu an pung zing.

Amiruokchu, districts "Safe" anga ngai thei haia chu factory sin thawtu hai an sin thawna ah tirkir thei ni hai sien. District sungah social distancing sirsana invaklawn thei ding mihriem iemanizat, skeleton office staff le emergency thilah tuolsuok thei ding po list siemin phalna PASS pek ni bawk hai sien, lockdown sung mipui beidawngna iemanichen sukzangkhai thei ning a tih, titu an um ve.

April 11, 2020 khin State Chief Ministers haiin Corona natna hri le inzawmin Committee nei nawk an tih. Chu huna chun Lockdown extend ding le ding naw le restrictions hlip dan ding state sawrkarin relthluk an tih. Chu chu sawrkar thluongpuiin a pawm ring a um.

-Ziektu

Dada le Jojo-Pa,
Hmarkhawlien

8.4.2020
Don't Miss
© all rights reserved
made with by Simon L Infimate