Responsive Ad Slot

HSA in Lawmpuina le Chawimawina thilpek inhlanna nei

Monday, October 14, 2019

/ Posted by Simon L Infimate
Rengkai, October 14, 2019, Virthli (ONP): Hmar Students' Association (HSA) Rengkai Unit le HSA CCpur JHQ chun October 14, 2019 dar 7:00 PM khan Manipur University (MU) 2019 Result suok a MSc.(Anthropolgy) a 1st Class, 1st Position (Gold Medalist) latu - Nk. Elizabeth Lalramnghaki  d/o Pu P.C Lalngailiana le Pi Rebec Darneimawi, Thailane Veng, Rengkai chu a hlawtlingna chang lawmpuina le Chawimawina thilpek inhlanna hunser an hmang. Hi huna hin Mr. Gulith Hriler, President Rengkai HSA Unit le Pu Lungruolpui Sungte, Secretary, Rengkai HSA Unit chun hieng ang hlawtlingna a chang hi an lawmpui thu le hmatieng peia khawm hlawtlingna chang nawk pei dingin ditsakna an inhlan a, an lawmpui zie suklangnain Rengkai HSA Unit hmingin Chawimawina thilpek Memento an inhlan.


Hi huna hin Pu Jeffrey Saihmang, President, HSA CCpur JHQ khawma Topper ani na hi a lawmpui thu hrilin a lawmpui zie suklangnain HSA CCpur JHQ hmingin Chawimawina Hnam puon inbattirna a nei.

Nk. Elizabeth hi nunghak fel le mi tlawmngai tak el a ni a, HSA CCpur JHQ in 2017 (June-July) thla sunga inchuklaihai ta dinga Spelling Bee Competition a huoihawt tum khan hne taka Pronouncer thawtu a nih.

MU Topper -Nk. Elizabeth hin Governor's Gold Medal, Gurumayum Kanhaimacha Sharma Memorial Gold Medal le Prof. T Shyamacharan Singh Memorial ₹10,000/- Specialisation Topper (Physical Anthropology) a dawng bawk ding a nih.

A hlawtlingna hi Virthli chun a lawmpui tak zet a nih.





Don't Miss
© all rights reserved
made with by Simon L Infimate