Responsive Ad Slot

HSA Aizawl Joint Headquarters hnuoiah Unit thar 3 indin

Monday, October 14, 2019

/ Posted by Simon L Infimate
Aizawl, 14 October, 2019, Virthli (ONP): Hmar Students' Association (HSA) Joint headquarters, Aizawl hmalakna hnuoiah Aizawl tlangah la um ngai lo vawisun khan unit thar 3 indin a ni a, unit thar indina um hai hi Govt, J. Thankima College unit, Govt. Hrangbana College unit le Govt. Aizawl North College unit hai an nih.

Vawisun la la khan unit thar indina um hai thuoitu inthlangna, HSA Aizawl Joint Headquarters keihruoina hnuoiah nei nghal a nia, Presiding Officer/RO Pu Henry L. Khojol, President HSA Aizawl Jt. hqrs, Election Secretary/Officer- Tv Jonathan Lalremsiama, General Secretary le Assistant Secretary Tv Ngurrivung ha'n inthlangna hi an nei pui a nih.


Vawisun a unit thar 3 a thuoitu dinga thlang tlinga umhai chu:

Govt. J. Thankima College

President: Lalramsan Hmar
Vice President: Jeho Lalhmaruaia
Secretary: B. Malsawmtluanga (Uncontested)
Assistant Secretary: Eric Lalhmuoklien
Financy Secretary: Demetry Lalzarzo
Treasurer: Dorothy Buongneimawi


Govt. Hrangbana College

President: Fimliensang
Vice President: Rejoy Lalnunpuia
Secretary: Lalhmangaihzova
Assistant Secretary: Lalramhluni
Financy Secretary: Laldinsangi
Treasurer: Zinnia Lalsiemfel



Govt. Aizawl North College

President: Jessy Lalduhawma (Uncontested)
Vice President: Samuel Lalnunsanga
Secretary: Daniel Lalringsan
Assistant Secretary: Lalrinchhana (Uncontested)
Financy Secretary: Marry Laldinthari (Uncontested)
Treasurer: Ngaihzemi

Hi huna hin thuhrilna neiin HSA Aizawl Jt. Hqrs President Pu Henry L. Khojol chun Aizawl tlangah unit thar 3 indin theia um chu lawmum a ti thu a hrila, thuoituhai hmalakna ropui a ti thu a hril bawk.
Naupanghai ta ding chauh ni lova ram le hnam ta dinga inchuklai hai an hung pensuok chu ropui a ti thu hrilin, Pu Henry L. Khojol chun ram le hnam ta dinga rawngbawlna hi Pathien rawngbawl ei ni thu a hrila, an hawi a rinum a khawm ram le hnam ta ding le mi hai ta dinga malsawmna intluntu ni seng dingin thuoitu thar hai an fui bawk a nih.

Inchukna a pawimaw zie thu hrilin, Pu Henry L. Khojol chun mi ang ei ni theina lampui hnaitak chu inchukna a ni leiin ngaipawimaw hmasataka nei a ṭul thu a hrila, inchukna in ram le hnam bakah mani mimal ngirhmun siemtha seng dingin fekhawmhai an cha bawk a nih.

Govt. J. Thankima college a hin HSA member 35 chuong an uma, Govt. Hrangbana college ah 32 chuong le Govt. Aizawl North College ah 60 bawr vel an um a nih.

Unit thar 3 hai baka hin HSA Aizawl Jt. Hqrs chun unit thar dang hieng Dapchhuah, Hmarchaltlang, Aizawl Ramhlun Sports Complex a hai indin dingin hma a lak meka, unit thi tah hieng Zemabawk, Sesawng le Tuirial hai khawm sukhring nawk dingin theitawpin hma a la mek a nih.

Aizawl Jt. Hqrs hi kum 1986 a indin a ni a, tuta term fe mek (2019-2021) hi October ni 3, 2019 HSA Day vawi-80 hmang a ni ṭum khan inthlang a nia, President dingin Pu Henry L. Khojol chu inchupuitu um lova thlang tling a nia, vice president dingin Pu Kapremvel Pulamte thlang tling a ni bawk.

Anni baka hin General Secretary dingin Tv. Jonathan Lalremsiama (Uncontested) a thlang tling a nia, Asst. Gen. Secretary dinging Tv. Nugrrivung, Finance Secrtary dingin Tv Jerry H. Pulamte le Treasurer in Nk. Jasmine Ramtharmawii hai thlang tling an nih. Amiruokchu finance secretary in sungkuo harsatna leiin hmun dangah a umsan ding  leiin tuhin a hmun ruok hi la hluobit lo a nih.






Don't Miss
© all rights reserved
made with by Simon L Infimate