Responsive Ad Slot

HSA CCpur JHQ in HSA Scholarship an inhlan

Thursday, October 3, 2019

/ Posted by VIRTHLI
Rengkai, October 3, 2019, Virthli (ONP): Hmar Students' Association (HSA) Churachandpur Joint Heaquarter chun vawisun khan HSA CCpur JHQ huop sunga inchuklai, thiem thei si, inchuk nuom si, harsa bik zuolhai a thlangdawk hai laia mi- Mr. Revival Lalhrietfel s/o Sakhmingchullo kuomah HSA Scholarship cheng Rs. 5000 a sikul kaina North Eastern Children's Academy, Bethlehem Veng, Rengkai-ah inhlanna an va nei.


Mr. Revival Lalhrietfel hin piengpui unau panga a nei a, ama hi a upa tak dawt anih. An ureng hi an Pa in kum 11 liemta khan a lo boral san tah a ni a, a nu rawia Muolvaiphei khuoa khawsa mek an nih. Mr. Revival Lalhrietfel hi a unu le Pawl 10 inchuklai ve ve an ni a. kum thara HSLC exam ding an nih. An unau hi lekha thiem thei tak an ni a, insung harsatna leiin Inchukna tieng duthusamin suppport  dawng nawhai sien khawm, an inchukna ruok chu mi pangngai chung ngawt an la nih. A nu hi Mission Office a Chowkidar sin thaw a ni a, an ureng hi a nu chauin a enkai an nih. Mr. Revival hi inchukna ngaipawimaw mi, mi fel le nunchang tha ani thu an hril bawk.


HSA CCpur JHQ chun inchuklai, harsa bik zuolhai thangpuina ding tiin hungtlung ding October 12, 2019, dar 2:00 PM hin HSA Campus, Rengkai Road ah Banquet a buotsai a, rawngbawlna anga ngai tlawmngai taka hi huna thang seng dingin mitin an fiel a. HSA CCpur JHQ thuoituhai inchuklai, an inchukna kawnga thangpui ngai umhai chu an thei ang anga thangpui pei an tum thu Virthli Palai an hril
Don't Miss
© all rights reserved
made with by Simon L Infimate