Responsive Ad Slot

PAC Chairman Dr. Chaltonlien Amo in Meeting ko, hmalak pei dan ding hriltlang

Thursday, October 3, 2019

/ Posted by VIRTHLI
Imphal, October 3, 2019, Virthli (ONP): Public Account Committee(PAC) Chairman, Dr. Chaltonlien Amo chun vawisun dar 11:30AM khan a member hai- Pr. Accountant General, Govt. of India le a staff hai thangsain Conference Hall ah meeting a neipui. Hi huna hin Department hran hran a mi, a tul le enfel ngaihai le hma lak pei dan ding hai hriltlang le ngaituotlang a nih.

Meeting hi nei a ni zoin Power (Electric) Department a Managing Director (MPSDCL) le Officer thenkhat le Contractor hai ko khawmin Vangai biel in mei (electric) hmu duk dak lova um chu regular taka an hmu dan ding ngaituo le hriltlang a ni a. Tuiruong dung Moinador a inthawka Thingpuikuol khuo chen vawisun chen la zo lo zing chu zo vat ani dan ding le Tipaimukh biela khuo hieng- Taithu, Parbung, Lungthulien, Senvon le Rawvakawt khuo haiin tuta inthawka thla hni sung, tukum December thla bo hma ngeia mei (electric) suk var vawng dinga a phutna chu thaw puitling ngei dingin an intiem thu Dr. Amo chun Virthli Palai hril.

Dr. Amo chun a biel tieng sin enzui ( site inspection) thaw dingin an hma tieng inzin a tum thu a hril a. Chu huna chun Power Department-a a lien tak Shri Priyokumar Singh, MD, Manipur State Power Distribution Company Limited (MSPDCL) le a staff han zui dingin an hril pek thu Dr. Amo chun hril bawk
Don't Miss
© all rights reserved
made with by Simon L Infimate