1. Thuhma
Hmarkhawlien khuo ringawt khawm hi HSA Branch annawle HSA JHQ annawle HSA Block nei thei khawpa lien a ni a. Silchar khawpui hi HSA Branch in a enkawl a chu HKL sevela khuo sawmhni neka tam hai chu HSABV JHQ in tha takin a enkawl zing. HSA Units hieng Muoldam, Dolakhal, Diger, Jurkhal, Pailapool, Nehru College HSA unit hai hi hrat tak tak an nih.
2. Hmar Students' Union (HSU)
Hmar Students Union (HSU) hi kum 2015 daia HKL mipui le thuoitu hai lo indin an tah. Khang huna HSABV JHQ kha term bova nina nei an nih, lifetime HSA thuoitu, election bova HABIZABI a nih, an ti a, HSA GHQ ah an hek. Kum tamtak students election nei talo an lo nih. HKL HSA Unit khawm 2009 a inthawk khan HSABV JHQ khan a lo thaibo tah.
Hieng hi a hung ni leiin HSU, HSA GHQ le HKL thuoitu haiin inrawntlangna an nei a. HSU sukbo rem an hung ti a. Pu Abraham Keivom le Pu Oliver Khawbung hai kha HSU President le Gen Secy hmasatak an nih, ka hrietsuol naw chun.
Kum 2016 khan HIBVR, HSA GHQ le HNU in Muoltluong Khuo ah HSABV JHQ election an conduct a. Muoltluong khuo a HSABV JHQ election a khan palai 452 an fe. Kha election khan HSU a thaibo officially-in.
3. HSU chungthua HSABV 2017-2018 hai hmalakna inpak a um
Kum 2017-2018 sung popo khan HSABV JHQ thuoitu thar haiin HSA HKL Unit an lo indinthar nawk tum a chu, an lel derh. An taimakna inpak a um.
4. Iengleia HSU hi Hmarkhawlien a zuk pieng el am ning a ta?
Tuhin mi thenkhatin Hmar Students Union (HSU) an indin a. Vengbuk dang dang ah HSU nei an tum thu an hril bawk. HSA GHQ in a ngaisak rak naw leia HSU indin an nih, ti thu an hril. Vawitam HSA GHQ leh inbiekna khawm an lo nei tah, ti hai an hril. Kan update rak ta naw leiin ka zuk confirm el thei bik nawh. Back channel diplomacy popo a hlawsam vawng, an tih. HSU thu a hin channel popo an closed tah, an tih.
Annawleh, HSA Hmarkhawlien Unit zuk inti kha a nuomlo an tam a mani ding? HSA Unit neka liena inngaitu an tam a mani ding? HKL HSA Unit zuk inti tak kha inhmusitna ang deuva lo ngaitu an tam lem a mani ding chu? HSA JHQ hming sawmsa lo HSA HKL Unit zuk thuoi kha a nuom naw pawl an tam a mani ding? Nina hau le hotu tamna ah students in hma an sawn, a titu an um lei a mani ding?
Hmarkhawlien khuo hi HSA JHQ size deuva in ngai ei ni a. Ei EGO hi a lien hle. Hi EGO hi ei dehawn thei naw leiin vawisun hin mi nuizatbur ei ni tah, tia lungawilo khawm an um tah.
5. HKL HSA Unit
Kum 2009 chen kha HSA HKL tha takin a lo function hlak a. Amiruokchu, HSABV le HKL Unit kara inhrietthiemnawna lien tak el a hung um khan HSABV JHQ in kum 2009 khan HSA HKL Unit a thaibo pap a. President's Rule ang deuvin HSABV JHQ kha HSA HKL Unit angin an lo fe pui char char. HSABV, HSA HKL Unit hin sawrkarah memorandum iemanizat an lo pek a. Thaw tha le tha naw khawm an lo nei nuol. Election tak tak nei lova sin thaw an lo taima hle. Kum 2009-2015 chen kha HKL chu HSA Unit bova um char char a lo nih, an tih. Kha sung khan HSABV JHQ kha HKL Unit ang deu an lo nih.
Khang hun lai khan HSABV in HSA HKL Unit kha a lo Sawisak hlak a. A lo HABIZABI ngun bawk. Chuleia tuhin HKL mipui tamtakin HKL HSA Unit phun an nuom ta naw a nih, a ti pawl an um. 2016 khan HKL HSA Unit ei la zuk phun trawk trawk final dingin. A aw sawt chuong nawh.
Vel tam HSA HKL Unit indin ei tiu tiin bau khawma ei hril ngun. Khawtlang thuoitu haiin an na an suk set phet phet. Zani khan HSU chu an indin ta tho tho.
6. Thukharna
HSU hi a ngir sawt ka ring nawh. HSA ruok hi chu a lo hrat de naw hun a lo um thei. Anachu a peirei a. Zui tlak tak HSA a nih. Mani khat khawma HSABV JHQ kha thuoi el ro. HSABV kha uongpui seng ro. In nina kha uongpui hle ro.
HSU chu term khat a hrat dur khawma, thuoitu hung dang an ta, a hung chau nawk el ding a nih. Khing chi khawm an ni nawh. Sin thawtlang pui lem ei tiu, HKL context ah.
HSABV JHQ kha duot hle ding a nih. Tuta Hmarkhawlien HSA Unit thua buoina khawm hi Pathien remruot a nih. Hun hung liem a ta. HSU hi an la hung nghawk pawt hun um a tih. Chu pha chun HSABV JHQ a bawk hung inhnik el an tih. Unit kan hung phun ding? ti tul ta naw nih. ZOLDI AU. ZOLDI BANAU hung ti lem tang an tih. HSU hnuoia an ningtintelna rasuok chu ei ta dinga hamthatna rubber bil la hung ning a tih.
HSA hi a lo hrat rak naw hun a um hlak a chu, HSABV hi thi ta naw nih. HSU chu short term in an lo inchawkphur el thei. Anachu, a sawt a seiah thuoitu hung dang an ta. HSABV a bawk an la hung lut rip ding a nih.
HSABV JHQ Jai Hind!
-Dada le Jojo-pa,
Hmarkhawlien
16.8.2019
Hmarkhawlien khuo ringawt khawm hi HSA Branch annawle HSA JHQ annawle HSA Block nei thei khawpa lien a ni a. Silchar khawpui hi HSA Branch in a enkawl a chu HKL sevela khuo sawmhni neka tam hai chu HSABV JHQ in tha takin a enkawl zing. HSA Units hieng Muoldam, Dolakhal, Diger, Jurkhal, Pailapool, Nehru College HSA unit hai hi hrat tak tak an nih.
2. Hmar Students' Union (HSU)
Hmar Students Union (HSU) hi kum 2015 daia HKL mipui le thuoitu hai lo indin an tah. Khang huna HSABV JHQ kha term bova nina nei an nih, lifetime HSA thuoitu, election bova HABIZABI a nih, an ti a, HSA GHQ ah an hek. Kum tamtak students election nei talo an lo nih. HKL HSA Unit khawm 2009 a inthawk khan HSABV JHQ khan a lo thaibo tah.
Hieng hi a hung ni leiin HSU, HSA GHQ le HKL thuoitu haiin inrawntlangna an nei a. HSU sukbo rem an hung ti a. Pu Abraham Keivom le Pu Oliver Khawbung hai kha HSU President le Gen Secy hmasatak an nih, ka hrietsuol naw chun.
Kum 2016 khan HIBVR, HSA GHQ le HNU in Muoltluong Khuo ah HSABV JHQ election an conduct a. Muoltluong khuo a HSABV JHQ election a khan palai 452 an fe. Kha election khan HSU a thaibo officially-in.
3. HSU chungthua HSABV 2017-2018 hai hmalakna inpak a um
Kum 2017-2018 sung popo khan HSABV JHQ thuoitu thar haiin HSA HKL Unit an lo indinthar nawk tum a chu, an lel derh. An taimakna inpak a um.
4. Iengleia HSU hi Hmarkhawlien a zuk pieng el am ning a ta?
Tuhin mi thenkhatin Hmar Students Union (HSU) an indin a. Vengbuk dang dang ah HSU nei an tum thu an hril bawk. HSA GHQ in a ngaisak rak naw leia HSU indin an nih, ti thu an hril. Vawitam HSA GHQ leh inbiekna khawm an lo nei tah, ti hai an hril. Kan update rak ta naw leiin ka zuk confirm el thei bik nawh. Back channel diplomacy popo a hlawsam vawng, an tih. HSU thu a hin channel popo an closed tah, an tih.
Annawleh, HSA Hmarkhawlien Unit zuk inti kha a nuomlo an tam a mani ding? HSA Unit neka liena inngaitu an tam a mani ding? HKL HSA Unit zuk inti tak kha inhmusitna ang deuva lo ngaitu an tam lem a mani ding chu? HSA JHQ hming sawmsa lo HSA HKL Unit zuk thuoi kha a nuom naw pawl an tam a mani ding? Nina hau le hotu tamna ah students in hma an sawn, a titu an um lei a mani ding?
Hmarkhawlien khuo hi HSA JHQ size deuva in ngai ei ni a. Ei EGO hi a lien hle. Hi EGO hi ei dehawn thei naw leiin vawisun hin mi nuizatbur ei ni tah, tia lungawilo khawm an um tah.
5. HKL HSA Unit
Kum 2009 chen kha HSA HKL tha takin a lo function hlak a. Amiruokchu, HSABV le HKL Unit kara inhrietthiemnawna lien tak el a hung um khan HSABV JHQ in kum 2009 khan HSA HKL Unit a thaibo pap a. President's Rule ang deuvin HSABV JHQ kha HSA HKL Unit angin an lo fe pui char char. HSABV, HSA HKL Unit hin sawrkarah memorandum iemanizat an lo pek a. Thaw tha le tha naw khawm an lo nei nuol. Election tak tak nei lova sin thaw an lo taima hle. Kum 2009-2015 chen kha HKL chu HSA Unit bova um char char a lo nih, an tih. Kha sung khan HSABV JHQ kha HKL Unit ang deu an lo nih.
Khang hun lai khan HSABV in HSA HKL Unit kha a lo Sawisak hlak a. A lo HABIZABI ngun bawk. Chuleia tuhin HKL mipui tamtakin HKL HSA Unit phun an nuom ta naw a nih, a ti pawl an um. 2016 khan HKL HSA Unit ei la zuk phun trawk trawk final dingin. A aw sawt chuong nawh.
Vel tam HSA HKL Unit indin ei tiu tiin bau khawma ei hril ngun. Khawtlang thuoitu haiin an na an suk set phet phet. Zani khan HSU chu an indin ta tho tho.
6. Thukharna
HSU hi a ngir sawt ka ring nawh. HSA ruok hi chu a lo hrat de naw hun a lo um thei. Anachu a peirei a. Zui tlak tak HSA a nih. Mani khat khawma HSABV JHQ kha thuoi el ro. HSABV kha uongpui seng ro. In nina kha uongpui hle ro.
HSU chu term khat a hrat dur khawma, thuoitu hung dang an ta, a hung chau nawk el ding a nih. Khing chi khawm an ni nawh. Sin thawtlang pui lem ei tiu, HKL context ah.
HSABV JHQ kha duot hle ding a nih. Tuta Hmarkhawlien HSA Unit thua buoina khawm hi Pathien remruot a nih. Hun hung liem a ta. HSU hi an la hung nghawk pawt hun um a tih. Chu pha chun HSABV JHQ a bawk hung inhnik el an tih. Unit kan hung phun ding? ti tul ta naw nih. ZOLDI AU. ZOLDI BANAU hung ti lem tang an tih. HSU hnuoia an ningtintelna rasuok chu ei ta dinga hamthatna rubber bil la hung ning a tih.
HSA hi a lo hrat rak naw hun a um hlak a chu, HSABV hi thi ta naw nih. HSU chu short term in an lo inchawkphur el thei. Anachu, a sawt a seiah thuoitu hung dang an ta. HSABV a bawk an la hung lut rip ding a nih.
HSABV JHQ Jai Hind!
-Dada le Jojo-pa,
Hmarkhawlien
16.8.2019
