Responsive Ad Slot

Ahmednagar HSA Branch-a hlangkai: IGTU Director lawmpuina an nei

Thursday, April 26, 2012

/ Published by Simon L Infimate


SHILLONG: Ahmednagar hmuna Hmar Students um han ṭhahnemngaina leia kum 2010 a inthawka HSA an lo indin chu an hmalakna le activities hai enin Branch puitlinga hlangkai tlaka ngai a ni leiin April 21, 2012 nia Hmarkhawlien-a HSA Executive Meeting chun HSA Ahmednagar chu Branch puitlingin a hlangkai. HSA Gen. Hqrts chun Ahmednagar-a HSA member inchuklai hai hmalakna le tlawmngaina chu lawmum a ti a, hmatieng peia khawm student hai hmasawnna ding kawng iengkima hma lak tlang pei an  pei zing a nih tiin Simon L. Infimate, Asst.Gen.Secretary, HSA Gen. hqrts chun a hril. Tuchena hin HSA chun Joint Headquarters 12 le Branch 4 a nei ta a nih.

Chun, zanikhan HSA Gen. Headquarters chun Indira Gandhi Tribal University (IGTU), Imphal Director thar dinga ruot Prof. Vanlalnghak chu zanikhan Shillong-a a chengna inah inhmupuina neiin IGTU, Imphal Director dinga ruot a nina thua lawmpuinain Thangsuopuon insiltirna an nei. Hi huna hin HSA Gen. Hqrts Assembly Speaker, Dr  John Pulamte, Asst.Gen. Secretary, Simon L. Infimate, Finance Secretary, Mawii Darngawn, Education Secretary,  Joseph V. Tuolor le Shillong Jt. Hqrts ṭhuoituhai an ṭhang tawl. Prof. Vanlalnghak hi HSA Gen. Hqrts Adviser  ni lai mek a nih.

Source:HmasawnnaThar
Don't Miss
© all rights reserved
made with by Simon L Infimate