Responsive Ad Slot

Manipur MLA election le inzawma Joint Press Release (HSA, HISC, HYA, HWA)

Sunday, January 15, 2012

/ Published by Simon L Infimate

JOINT PRESS RELEASE


Churachandpur, the 12th January, 2012


Manipur MLA election vawi 10-na thu le inzawma Joint Meeting January 12, 2012 at 7 PM chun, Hmar mipui hriet dingin Joint Press Release a hnuoia ang hin siem a nih:-

1. Kristien ei nina angin, election code of conduct inza le zawm seng nisien, inthlangna fel le thienghlim (Free & Fair election) a um theina dingin Hmar mipui po po ṭhang tlang ni raw seh.

2. Hmar umna khuohaiah tharum insuo, ralthuom chelek le mimal zalenna sirde zawnga chetna um naw raw seh.

3. Mitin in mani vote ngei thlak nisien, mi aia vote thlak le Booth Capture umnaw raw seh. Candidate hai khawmin an worker hai thilthaw ah maw phur an tih. Election code of conduct bawsiet leiin case rik tak phur thei a ni ti hre raw hai seh.

4. Sum le pawisaa inzâwrna umnaw sien, candidate hai khawmin mipui zâwrna dinga sum sem le ruoiṭhe phal a ni nawh.

5. Inremna le inthuruolna ṭhalem a um ditna leiin Hmar khuo a hai tu pawl bik khawmin election Office hawng ni naw raw seh.

6. Eini thlangtling ngei MLA ei nei theina dingin, mimal, pawl le khawtlang bik ditdan hnawl seng nisien, hnampum huopa hmalatu Hnam Integration Steering Committee thutlukna ngaichanga, pumkhata ṭhangtlang ni raw seh.

7. Dan lo a thil thawna, tharum insuona le Booth Capture a um nawna dingin khawtina, VA inrawina hnuoiah, HYA, HWA, HSA le Joint KṬP ṭhuoituhai insuikhawmin, TLAWMNGAI PAWL indin nisien, mani khawsung sengah huoitaka hma lo lak seng ni raw seh.

8. Vote thlak ni a thingpui inlum le lekha semsuok thuah hmukhata thawtlang seng nisien, Tlawmngai Pawl in mawphur raw seh.

9. Vote zawng le thlak thuah UG pawl le mimal tukhawm inrawl naw raw seh.

 

Ei hnam le khawtlang hmasawnna ding chau thlir a, inthuruol taka hnam kalchawina kal zawnga hmalatu an lo um a ni chun, Hnama mi siemtu Pathien, iengkim hretu lakha a maw phur a tih. Pathien le ei Hnam ta dingin pumkhatin kan ngir.

 

Sd/- Chairman
Hnam Integration Steering Committee
 

Sd/- Secretary
Hnam Integration Steering Committee
 

Sd/- President
Hmar Youth Association Gen. Hqrts.
 

Sd/- Secretary
Hmar Youth Association Gen. Hqrts.
 

Sd/- Chairperson
Hmar Women Association, Gen. Hqrts.
 

Sd/- Secretary
Hmar Women Association, Gen. Hqrts.
 

Sd/- Vice President
Hmar Students’ Association, Gen. Hqrts.
Don't Miss
© all rights reserved
made with by Simon L Infimate