Responsive Ad Slot

MLA inthlang chung changah HNA thusuok

Sunday, January 15, 2012

/ Published by Simon L Infimate

MLA INTHLANG CHUNG CHANGAH HNA THUSUOK


1. Manipur MLA inthlang ei hmasuon mek chungchanga hin, HNA chun inthlangna thienghlim tak nei ni ngei sien ti chu a duthusam a ni a. Chuleiin, kum dang naw ang taka tuta ṭuma Hnam Integration Steering Committee a pieng el khawm hi Hmar hnam tungdingna dinga Pathien hmangruo pakhat niin a pawm a nih.

2. HNA chun Sinlung suok inpumkhatna politics a fepui ang hrimin inthlang/election a hin inhnamhnawi a tum ngai nawh a; ieng election khawm umsien mipui tam lemin an dita an thlang lal taphawt chu hnam palai ah a pawm vawng a, an thaw ding ṭul le awma a ngaihai chu ngam takin a phutin an rawnpui hlak a, chuong ang tak chun a fe pei bawk ding a nih.

3. Hnam Revolutionary Party inti ngam sia mipui ṭhati dan palzuta, mani dit thlang hnam palaia ruota, chuong thlang lala umhai le chun sawrkar development fund hai chu pumbila, mani sinthaw ding tak, hnam damna Politics thaw ding theinghil rak khawpa lo khawsa ta hlakhai khawma, chuongang thil chu thaw nawk ta ngai lo dingin HNA chun ngenna a siem nghal bawk a nih. Chuongang bawkin Hmar hnama insal taphawt chun Hnam Integration Steering Committee hin a thiltum a sukpuitling thei ngeina dingin mani theina zawn sengah lo thlawp tlat dingin ngenna a siem bawk a nih.

 

Sd/-

H.R.Khawbung
Secretary, Information & Publicity, HNA
Don't Miss
© all rights reserved
made with by Simon L Infimate