Responsive Ad Slot

Hmar Nuhmei in India National Muaythai Championship 2018 ah Silver Medal a dawng

Monday, November 19, 2018

/ Posted by Simon L Infimate
Pune/Agartala, Nov. 19, 2018, Virthli (ONP): India Pasal le Nuhmei hai Categories hran hran áš­he a National Muaythai Championship 2018, November 14-18 a Mamasaheb Mohal Krida Sankul Stadium, Pune, Maharashtra hmuna huoihawt a um Under 14 ah Nk. Hephzibah Zosangmawi Joute (13) Hephzibah Joute d/o Lalhmingthang Joute, Tripura (Address Rengkai/Agartala ti thei ve ve) chun Silver Medal a dawng niin thu ei dawng.

Hi ang chen a phak thei hi ei lawmpuiin ei suong tak zet a nih.

Address ah Rengkai ziek nisien khawm tuta Agartala a um mek niin anni sungkuo hi Tripura Hmar Welfare Association (THWA) member an nih.

Note: Thlalak hi ei nei rem ang ang ei lo hung hmang hri a nih.

Ama nu chanchin hi a hma khan ei lo suklang tah hlak a. A lo tiem nuom ha'n tiem thei...

Hmar nauin Tripura State Level Muaythai & Muayboran Championship ah Gold Medal a dawng

Agartala/CCPur, Aug. 27, 2017, Virthli (ONP): Miss Hephzibah Zosangmawi Joute, age -12 , Class -VIII , Auxilium Girls School, Agartala chun Tripura State Level Muaythai & Muayboran Championship, 27 August 2017 a Kamini Kumar Singha Memorial H/S School, Dhaleswar, Agartala, Tripura hmun a nei ah chun Junior Girls 58 Kg Weight Category ah Gold Medal a dawng. Ama hi Pu Lalhmingthang Joute , Second-in-Command, O/O IGP, CRPF, Agartala, Tripura le Pi Cecily Lalnipuii Traite Joute hai nau pahni nuhmei ve ve laia a upalem a nih. National Level le a neka insanglem a hai chen khawm hung hlawtling pei di'n ei ditsakna insangtak ei inhlan.
Tukum November thla hin Shillong ah National Level um a ta chu huna chun ama hin Tripura State a represent ding a nih. A nu-le-pa'n an naunu chu hieng ang inruolsiekna a an in thang tir santak an hril chun Winning khawm an lo beiseitak a lo ni bek bek naw thu le participation kha a hun tawk a an lo ngai thu an hril. Chuong lai zing chun an naunu hin Gold Medal a hung dawng tah a nih. Ei lawmpui hle.

@http://www.virthli.in/2017/08/hmar-nauin-tripura-state-level-muaythai.html
Don't Miss
© all rights reserved
made with by Simon L Infimate