Mizoram chanchinbu inlar Vanglaini chun Mizoram sorkar le HPC-D May thla vela inbiek nawk dinga rel chu an intiemna chungchanga buoina a um lei’n thul a ni ding’n a hril.{Lalmalsawma chuan, Mizoram sorkar leh HPC 'D' inbiak hmasak tuma an thu dah, an inbiak leh hunah HPC-D ten an aiawh atan mi dang tirh phal ni se, an tih chungchangah thu a inhmuh loh thu a sawi a, "Mizoram sorkar chuan anmahni mi tho, inbiak hmasaka lo kal lote an rawn tir turah kan ngai a, mahse foreign lam mite rawn tirh an tum daih avangin sorkar chuan a remti lo a ni," a ti.
HPC-D ten inbiaknaa tirh an tum hi USA lam mite an nih thu sawiin, Lalmalsawma chuan, "Heng mite hian Mizoram chanchin leh HPC-D te mamawh pawh an hriat a rinawm loh a, chu bakah foreigner lo biak ngawt chu sorkar laipui pawh an zahawm a ni," a ti.
Lalmalsawma chuan, HPC-D nen an thu inhmuh loh chungchangah hian Mizoram sorkar chuan an duhdan an thlen tawh thu sawiin, "Chhanna kan la hmu lo," a ti a; inbiak huna an rawn kal dan tur sorkarin a ruahmante chu HPC-D lam hian a ngaih loh thu sorkar an hrilh tih a sawi.}
