Chief Guest in Meghalaya Education Minister Ms. Ampareen Lyngdoh hmang ania, Guest of Honor in Pu. Joseph Lalrothang,ZEO Churachandpur hmang ani bawk. Meghalaya politics a mi inlar em em Home Minister hai chen lo ni hlak R.G. Lyngdoh khawm in a hung uopmawi. HSA General Headquaters tienga in thawk in General Secretary Pu. Lalthlamuana Hmar a hung bawk.
Tukum Centenary kum ani bawk leiin kum dang ang naw deu'n tukuma Fresher's Meet hi
huoihawt ania, hi hun a hin pawl biek um lovin Shillong Hmar nunghak le tlangval a zatel in
Halleluijah Chorus mawitakin an rema, an thiem’n a ngai an hawi hle. Students chau nilovin Nu le Pa hai khawm an tha hnem hle. Mipui 700 vel fe khawm a hisap anih.
Rimawi tieng khawm Shillong an duoi biek ta naw. Hmar hlasakthiem tak tak Shillong mi 10
hai'n mipui an in awi hne hle. Mipui an tam leiin lam nuom hai khawm lamna hmun
ding an hmu zo nawh. Hlaksakthiem chau nilovin lam thiem tak tak khawm an tam. Ei Hnam kum 100 sunga ei in thlak dang lam dan(culture) mawitak Union Christian College HSA Unit haiin an hung suklang chu mipui hai le Guest hai mit asuk thlei hle.
Inchukna tieng panga khawm hma an sawn hle. President Award pa 2(Ist Class,1st Position a
pass hai), Meritorious Award(1st Class/Division/NET/JRF) Student 41 le sinhmuthar (Govt/PSU) mi 7 hai kuoma inhlan anih. Hi bak ahin Achievement Awards inhlan ani bawk. Hi Award hi Hnam ta dinga lungphûm (milestone) siemtu, written record um ngei Pasalthahai kuoma inhlan hlak anih.Hi Award hi mi 3 hai kuoma inhlan ania. A dawngtu hai chu Pu. Rochunga Pudaite, Pu. Thangngur, Pu. Hranglien Songate le Pu. Pawnga hai an nih.
HSA Shillong Jt.Hqrs in a buotsai Souvenir "KUMPUI SUL" Chief Guest in thlangzarna a nei bawk.
Kum tina thlang hlak angin HSA Shillong Mister & Miss Freshers le HSA Shillong Mister le
Miss thlangna nei ania. Mister le Miss thlang tlinga um hai khawm an hmel a tha thei hle. A
tling hai chu-
Mister Freshers: Joseph Pakhuongte
Miss freshers: Marina Infimate
Mister HSA: Zodiac Lalengvar
Miss HSA :Naomi Khawbung
Guest hai khawm eini laia um in hawi an ti hle. Student hai thang la nasa nawk zuol dingin in fuina Chief Guest le guest of Honor chun an hril. Chief Guest in ei Hnam in thanglien theina ding chun ei thang ruol seng a pawi maw, a mal mal chun ei in thang lien thei ngai nawh ti thu a hril sa bawk.
HSA Shillong Fresher’s Meet hi Media haiin coverage an thaw hne hle. Doordarshan, local news channel - Peitngor Cable News, MediaPlus le a dang dang hai telecast an thaw.
Tukum Freshers Meet chu ei Hnam (culture) hausak zie a suk lang chieng hle, mipui hai Hnam thuom/incheina in bel lo chu hmu ding an um nawh. Hnam dang hai in pak ei hlaw hle bawk anih. Hienga student hai in ei Hnam incheina ngaisangna chang ei la hriet hi inpak a um hle. Report ziek ding tam hle sien ei ziek seng naw nih, HSA Shillong Fresher’s Meet chu a hlawtling hle anih.
Thlalak i en nuom chun...Click Here
