IMPHAL, November 28, 2017, Virthli (ONP): Manipura Sangai Festival nei mek ah Parbung Cultural Troupe, Pherzawl District chun November 28, 2017 zan hunah Hnam Lam chi tum tum pholangna an nei. Hnam Lam hieng ‘Mo lak Lam, Salu Lam, Tlang Lam , Tinna lam le Sangai Lam’ inentirna hun an hmang a . Thlirtu mipui hai mit a tlei hle a, Parbung Centenary Khuongpui pholanga um chu thlirtu mipui mit a sukthlei el bakah mipui ngaiven a tling takzet a nih. Parbung Cultural Troupe in Hnam Lam inentirna hun an hmang zo hnungin Pherzawl ADC le Pherzawl DPO han Parbung Cultural Troupe hai Imphal khawpui sunga hmun pawimaw le inchikthlakhai kanna hun an hmangpui a. Hun hlimum takel an hmang.


Parbung Cultural Troupe chun Sangai Festival a thang dinga hma lo lapuitu le lo sawmdawltuhai- Pu Dr. Chaltonlien Amo, MLA, 55- Tipaimukh hai nupa , Pherzawl ADC, Pherzawl DPO, Pherzawl Lal Pu Fimneilal le CCpura lo mikhuoltu- Pu L.T Hmar, Acting Chairman, HPC(D), Pu Thangsiem, Area Commander, HPC(D) hai chungah an lawm thu a thlampuiin an intung a nih.

Vawizan hin Fare well night Pu Dr. Chaltonlien a chengna Quarter, Lamphel ah hmang mek a nia. Hun hlimum takel hmang mek a nih.

Post a Comment

Powered by Blogger.