IMPHAL, November 27, 2017, Virthli (ONP): Pherzawl District hminga Sangai Festival a thang ding Parbung Cultural Troupe hai chu vawizan tieng dar 6:30PM khan dam takin Imphal an tlung tah. Parbung Cultural Troupe hai hi Pu Dr. Chaltonlien Amo, MLA, 55 Tipaimukh A/C hai nupa in an chengna Quarter, Lamphel ah lo lawmlutin lawmlutna hunser hmang a nih . Hi huna hin Pu Dr. Chaltonlien Amo chun Parbung Cultural Troupe chu Hnam le District hminga lam ding an ni leiin thiem tak le mawi taka lam dingin an fui a . An thil tul le an mawmaw hai hril rin lova, a chawngpu chan changa inthlahrung lo dingin a hril a. An thil mamaw le tul hai a thaw pek pei ding thu hai a hril. Pi Lalramsang Amo khawma Pathien kuoma lawmthu hrilna le Ruoi inhlanna a nei a. Parbung Cultural Truope hai ruoi inhnik takel Pu Chaltonlien Amo hai nupa hin an kiltlangpui a nih.


Parbung Cultural Troupe hai lawmlutna hunser a hin Pherzawl ADC, Pherzawl DPO le Sangai Festival Organising Committee a thang mi pahni hai khawma uop ve in infuina thu hrilna hun an hmang tawl. Lawmlutna hunser a hin Parbung Govt H/S, Parvachawm Govt. H/S le Pherzawl Govt H/S a Headmaster hai khawma an uop a. Pherzawl District a ZEO thar Pi Lalhminglien khawma a uop ve.

Parbung Cultural Troupe chun November 28, 2017 hin zantieng huna Hnam lam chi tum tum inentirna nei an ta, Parbung khuo-in kum 1997 a ‘Parbung Centenary ‘ an hmang huna an Khuongpui siem ‘ Parbung Centenary Khuongpui ‘ lien tawk takel pholangna an nei bawk ding a nih.


Post a Comment

Powered by Blogger.