CCPur, September 16, 2017, Virthli (ONP): HSA CCPur Govt. College Unit chun vawisun dar 10:30 AM khan VTI Auditorium, Muolhlum, Rengkai ah Freshers’ Meet-cum- felicitation 2017 phuisui takin an hmang. Hun hmang na hi Tv. Elvis Infimate le Nk. Meicy Lalneikim ha'n an keihruoia , hun hawng tawngtaina Nk. Jeneth Buhril in a nei a.Lawmlutna thucha Nk. Nancy Lalremzo, Fin., Secy., HSA CCpur College Unit in hrilna hun a hmang. Hi huna hin Chief Guest in Pu Lalhmangpui Fimate, MDC, 6th Parbung ,ADDC a thang a, Guest of Honour in Pu Mangkhanthang Simte, 54 Bn., 2 IC, BSF , Functional President in Pi Debory Fimsangpui, CEO, Arcadia School a thang.

Tukum 2017 hin HSA Freshers’ hi mi 100 an uma.Hi huna hin an rengin hung thang vawng naw hai sien khawm,freshers mi 30 ha’n self introduction le inhmelhriettuona hun an hmang a .Freshers hai tawngtaipekna hun Rev. Lalsiemthar in a nei a.Mr & Miss Freshers in Tv. Samuel Famhoite le Nk. Olivia Ramengzuol hai thlang an nih.


Hi huna hin Nk. Lalremruot Joute,Secretary le Tv Stephan Remnalal ,President HSA CCPur Govt. College ha’n Khuollien hai chawimawina thilpek inhlanna le Lawmman semna hun an hmang a.Tukum 2017 a CCpur Govt. College a’nthoka graduate thar mi 60 hai chu Certificate of Appreciation inhlanna hun Tv. Immanuel Lalhrietzing, Education Secretary, HSA CCPur Govt. College Unit in a hmang a. July 27,2017 nia HSA CCPur Govt. College Unit in Essay writing competition a huoihawt huna a pakhatna latu Nk. Ramnieng kuomah Lawmman inhlan a ni bawk. Hi hunser a hin special invitees hai - HSA CCpur Jt.Hqtrs, HSA Imphal Jt.Hqtrs,MZP, TKSU, SSPP, GSO, Rayburn HSA Unit, FHG, FJ hai khawma uop vein thuhrilna hun le thilpek inhlanna hun an hmang tawl.

Hi huna hin HSA CCpur College Alumni hai khawma uop ve in, lâm hmu nuom um tak tak ientirna hun an hmang a, HSA CCpur Unit sunga hlasakthiem - Grace Famhoite, Michael Paugolian ,Immanuel Lalhrietzing , Lalrinmawii,Cindy Lalruotmawi ha'n mipui fekhawm hai hla mawi tak takin sakin an in awi a. Hun khar tawngtaina Pro. Pastor H. Lalhmunsiem in a nei zoin Ruoi inhnik takel kiltlang anih.


-Muona Infimate

Post a Comment

Powered by Blogger.