Muolhoi, August 14, 2017, Virthli (ONP): Assam sawrkarin kumtina a peksuok hlak ziekmi/writer hai chawimawina insangtak Assam Literary Award ti hlak tukuma inthawk Assam Literary Pension tia thlakthleng ta chu a dawng ding hai hming puonglang alo ni tah. A dawng ding mi 43 lai thlangdawk anni a, hieng hai lai hin Hmar ziekmi, hnam ro humhalna dinga thuziek pawimaw tak tak thawsuoktu Upa  Lienchawngtho Hmar @L Chawngtho Hmar khawm a Č›hang ve a nih. A chanchin tawi hang tarlang ei tih.

Hming: Lienchawngtho Hmar (L Chawngtho Hmar)
Pieng Kum: October 20, 1936
Nu le Pa:  Famtah Lalhlihrawng Pangul (Vankal) le Roneik
Piengna Khuo: Khawhmunlien , Cachar, Assam
Kristien-a a lut kum: 20 November 1961.
Nuhmei nei kum: 18 April 1962
A nuhmei le Nau neizat: (L) Ngulkhumchawng. Naupasal 5 le Naunuhmei 2.
Upa Ordained Kum: January 2000, Tuolpui ICI
Tuta an chengna: Muolhoi, Haflong, NC Hills.

Inchukna tieng: 
Retheina leiin thataka inchuk mumal thei loin a uma, zan sikul ah (Bengali medium) kaiin Pawlnga (Class 5) chen an chuk a nih.

Lekhabu a ziek thenkhat hai:
1. Hmar Hai Tobul Hlabu Pakhatna (Hmar Traditional Song Book-I), 1985
2. Assamese le Hmar tawng inchukna awlsam, 2003
3. Hmar Customary Practise (English a inlet)
4. Vanram an hluo (Tuilien le Ngambawng) 2005
5. Assam rama Hmarhai chengna le khuohai, 1600-2005 AD.

Chawimawina/Award thenkhat hai:
Kum 2001 anthawk khan Govt of India, Culture & Tourism a inthawkin thlatin Old Age Drama Artist thangpuina Rs. 4000/- a dawng tan.
1999- Assam sawrkarin Artist lawmman Rs. 1,000/- an hlan.
2004 khan Deputy Commissioner, NC Hills-in "Thaw that Lawmpuina le Senior Citizen" lekha tha tawk tak le puonmawi le Cup lien tawk tak an hlan.
2005 Republic Day ah Chawimawina (facilitation) inhlan a nih.
2005-a Rajiv Gandhi Akshya Divas le Sadbhavana Divas hmangna-ah "Facilitation of Prominent Citizen for Maintenance and Upholding the National Integration and Communal Harmony in the Society" chawimawina lekha, Cup lien, Assam Gamsa le Rs. 1,000/-Dy. Commis-sioner, NC Hills-in an hlan.
Bengali tawng hmangna le sukhmasawnna kawnga a sinthaw that leiin Assam sawrkarin Chawimawina an hlan ta bawk.
1997-2005 chen khan AIR Haflong le ImPhal haiah an rawina in Hmar Tobul hla, Group Song-in an khum zing zing hlak a nih.
2005 khaa Tuilien le Ngambawng lemchang a ziekna le inzawmin Bhasa Sanskriti Academy haiin chawimawina an inhlan bakah a lekhabu an sut pek bawk a nih.
2016 HSA NC Hills & KA JHQ Golden Jubilee ah Lifetime Appreciation Award.
2016 khan Assam Sawrkar/Governor in Special Artist Award Pension an hlan, sumfai cheng 50000/- a sawm a nih.

Nina/sin a lo chel/ thaw thenkhat hai:
1. Chairman, Hmar Traditional Song Collection Committee.1985 anthawk tuchen hin ala nih.
2. Vice President, Hmar Literature, NC Hills. 1985-2016
3. Adviser, HPU, NC Hills
4. Kohran a hai khawm Local Committee Chairman chen hai le sin pawimaw dang dang chel hlak a nih.
5. Kum 2003 a Dimasa le buoina chungthua Phukon Commission a Kum 2004 a Hmar Senior Citizen aiaw in Sri L.Chawngtho Hmar tiin Inkhingna thu pek lut ani a, Phukon Commission Court Haflong, Silchar le Guwahati haia Court ah a ngir suok zak a nih.
6. Assamese le Hmar tawng inchukna awlsam a ziekna-ah "Aw Muor Des Shonor Ahom" ti hla a phuoka. Muolhoi khuoa tlangzar ani a, chu tum chun Hmar hminigin Memorandum an pekluta, chu zar pei chun Assam Literature hai thangpuina leiin MIL Hmar chu ei hmu pha a nih.
7. Kum 2005 khan Non-Dimasa thangruol dan ding ngaituoin Convenor sin a thaw a, chu tum chun tuta Indigenous Peoples Forum (IPF) hi indin nawkin a um a nih.  IPF Vice-President sin 2012 chen kha a chel a nih.

Post a Comment

Powered by Blogger.