Chennai, August 15, 2017, Virthli (ONP: Vawisun khan Chennai Hmar Christian Fellowship (CHCF) huouihawtna hnuoia Freshers' Meet hmang a nih. Hi hun hi JMBC hmuna sun dar 12 in hmang tan a nia, Chennaia Hmarnau chenghai an fekhawm tha hle a nih. Hi hun hi Nk. Grace Songate le Tv. Vanlalpawl Hmar haiin hnesaw takin an keihruoia, hun hmasa tieng mipui hlasakna le hun hawng tawngtaina hai nei a nih. Tv. Abraham in mipui lawmlutna thucha a hrila, hmelthar/freshers hai inhmelhrietna hun hmang zoa Rev. Lalboy Haokip in Freshers hai ta dinga thucha tha tak tak hrilna le tawngtai pekna a nei sunzawm nghal a nih. Hi huna hin Freshers mi 6 lawmlut an nih.


Hun karlaka hai special item Nk Zarhnem, Tv Lalbanlien, Tv Jehova, JMBC Male Voice, Nk Lalneihnem le Nk Lalremzo haia intkawin en le ngaithlak a nih. Lawmthu hrilna Nk. Doland Lalzuimawi in a hmanga, hunkhar tawngtaina le ruoi inhlanna Tv. Jehova in a nei zoin ruoi tuihnai tak el the in hlimtlang taka hun hmang zo a nih.

Post a Comment

Powered by Blogger.