Shillong, July 19, Virthli (ONP): Bollywood film thar, hril hlaw em em le mi tamtak nghakhla Qaidi Band ti chu thlathar August 25 nia suksuok (Release) dinga zofel alo ni tah. Hi movie/film hi zanilai khan a Official Trailer Youtube ah en theiin alo um tah.


Hmar nunghak Cyndy Khojol khawm hi film Qaidi Band- Music will set them free ti a hin main character 7 um hai laia pakhat a chang ve a nih. Nk Cyndy Khojol hi Pu Zawlthangsang, Saron Mahur, NC Hills a naunu a nia, Mumbai a um, professional model a nia, film industry tienga lut tung pei a nih. Hi hma hin Bollywood movie inlar tak tak el hieng 7 Khoon Maaf (2011), Khiladi 786 (2012) le Bombay Summer (2009) haia khawm lo chang tah ani a, chun Hollywood a hai khawm minor role (special appearance) chen hai lo chang ve ngat an tah.

Tuta a thangna Qaidi Band hi kum 2012 a vai film inlar ve tak el Ishaqzaade siemtu Habib Faisal in a ziek le ama siem a nia, Aditya Chopra in a produced a nih. Hi movie ahin jail intang, mi 7 hai chu thangkhawm in music band an indina, an music chu an zalenna dinga lawmpui umsuna ngaiin zalenna a pek nghe nghe a nih.

Post a Comment

Powered by Blogger.