CCPur, May 13, 2017, Virthli (ONP): Mi tam tak lo beiseina chu FC Ridil in May 13, 2017 zantienga Manipur a Hmar Martyrs' Trophy Semi-Final inkhelna a chun a sukpuitling zo ta naw a nih. Hi huna hin an fans tam tak chu an goal tieng a vawi hnina a lut chun an trin san leiin entu mipui 100 ah 90 vel chu Ridil play en dinga hung anni a sukchienga, hi tournament sunga fans hau pawl tak khawm anni leiin Semi-Final day 1 nekin mipui an tam a, still, video, drone camera leh FC Ridil Official Photographer haiin an uop a, Chief Guest Pu Michael Ginzasuan DSO, CCPur chun Team spirit nei a pawimaw zie le chu team spirit nei chu hlawtlingna (victory) bulpui a ni zie hai uor takin a hril a. Hmar Astiste a inthawk Ms. Elizabeth Sungte le Ms. Gloria Lalmalsawm Khawlhring haiin inkhel hmain mipui hla'n an inawi bawk.


Inkhel en an hawi hle a, mipui an tam hle. Final lem chu an tam hle dinga beisei a nih. Full time in FC Ridil chu 2-0 in FAST(A) lakah a tlawm tah a nih. FC Ridil chun inkhel zo hin an thaw dan pangngaiin an thei ang angin hmunhnawk an inthielfai.

Tuta tournament femek a hin a tu team team khawm an thrang a na bawk leiin inkhelna hun haia khawm a referee le linesman haiin an thaw suol pal hai sawiselna a na hle. World Cup meu khawm hieng ang hi a bo bik nawh. FC Ridil khawm hi Semi-Final a hin a che sie leiin a lung hnuol ding a ni naw a, hmatieng a la fe pei ding a nih. A bul a tran chau a ni a, fans khawm tam tak la nei pei a tih. Final kai zo ta naw sienkhawm hieng chen a phak hi a ropui a, fans le kawng tum tum haia supporter hai lawm an um a, an inpekna FC Ridil in a theinghil naw ding a nih. Pathien-in a mi ditdan peia la um phawt a inngai inla nuom a um.

FC Ridil Final kai zo ta naw sienlakhawm tuta 14th MSL-HMT Football 2017 a record a siem hai lai, first hattrick Deepak (14) & Top Scorer ni thei dinga beisei mek dam, Pool Champion a ni a, fans hau pawl tak, hi tournament a a thrang vawi khatna a hieng chen a kai chu a ropuilem hman a nih tiin FC Ridil dilsut taka lo thlirtuhai chun an hril a nih.

Goal Scorers':
1. Ramtha Samuel (6) 11:45
2. Lalneidik (17) 81:40

Yeallow Card:
FC Ridil
1. Jerry Pulamte (9) 33:00

FAST(A)
1. Cleaven Hmar (9) 12:52
2. Lalneidik (17) 20:40
3. David Tuollai (7) 55:14
4. Gogou (9) 80:00

Final Match: May 16, 2017

Post a Comment

Powered by Blogger.