Responsive Ad Slot

Defending Champion SYC in FAST-'A' 2-0 a hnein, Hmar Martyrs' Trophy a zawnin a la lak

Wednesday, May 17, 2017

/ Published by VIRTHLI
CCPUR, May 16, 2017: The 14th Manipur State Level-Hmar Martyrs' Trophy Football Tournament 2017 Grand Finale -cum- Hmar Martyrs' Day Observance chu Saikot Playground, CCPur ah hlawtling taka nei zo a lo ni tah.

Hi huna hin Pi (Dr.) MC Mary Kom, 5-times World Boxing Champion le MP, Rajya Sabha, Govt. of India chu Chief Guest niin Pu Letpao Haokip, Hon’ble Minister (IFCD & YAS), Pu (Dr.) Chaltonlien Amo, Hon’ble MLA - Tipaimukh A/C, Pu (Dr.) L. Fimate, former RIMS Director hai chun Guest of Honour, Functional President le Chief Host niin an uop a. Thuhrilna hun an hmang bawk.

Thu an hrilna haia chun hienganga Hmar Martyrs' hai inzana hun buotsai theia a um chu lawmum an ti thuhai hrilin, hmatienga hai an theina haia chun thei tawp a hma lak an innhuom thuhai an hril tawl. Annihai hin organising board hai kutah thilpek an inhlan a, organising board chun thilpek Hmar Thangsuo puon le Hmar Movement leh inzawmna nei Mu (Eagle) lim anni hai hi an hlan a. Pi May Kom chu Hmar Thangsuo Puon le ama thlalak ngei lim ziek thiemhaiin an i ziek inhlan a ni bawk.


Chief Guest chun Hmar Martyrs hai inzana insangtak a pek a, hmatienga hai a thei ang tawka hmalak an pei thu a hril a, inkhelna boxing tienga hai khawm ama in a lo thangpui thei thu le inhnikna nei hai chun ama an bel thei ding thu a hril a nih. Chun, Saikot playground sukhmasawnna dingin a theitawp suo a'nhuom thu a hril. Inkhelmi khawvel hriet tlangmi hai ei la tlawmthu hrilin thanglak a ngai zie hai a hrilllang bawk. Ama kuoma hin HMARTOB chun hi Hmar Martyrs' Trophy le Hmar Martyrs' Day inserna hmunpui tak Saikot Playground sukhmasawnna ding hnina lekha chu an pek a nih. Hi dungzui hin 25 Lakhs ama MP Fund a inthawk a sanction thei niin ei thu dawngna chun a hri.

Item chi tum tum suklang a ni a. Hmar Martyr hai inzana insangtak pekna hun nei a ni bawk. Hi huna hin football inkhel chu a thupui tak laia pakhat a ni a. Defending Champion Sielmat Youth Club (SYC) le Friendship Athletic Sporting Team (FAST)-'A' in a final an inkhel a. SYC chun Thangtinlen Haokip (13) in FAST-'A' tienga goal 2 (hni) a thun chu SYC in a zawna hi Trophy a hrattak nina (Champion Team) a nina di'n a hmang tah a nih. Champion Team hin Cheng 1 Lakh/- Cheque + Trophy le Certificate an dawng a, Runner Up in Cheng 50,000/- Cheque + Certicate an dawng bawk. Chun, hienghai baka hin lawman chi tum tum Top Scorer (and 1st Hat-trick), Best Discipline Team le a dang dang sem a ni bawk. Chuonghai laia chun SBA-HMARTOB 5th Hmar Martyrs' Trophy Banminton a prize hai khawm sem le Pasaltha Fahrel Inher Inelna lawmman sem a ni bawk. Chun, FJ Peoples' Choice Award Dr. Cornellius Pudaite, Team Captaiin, SYC inhlan a nih.

Inkhel en an hawia, entu mipui khawm an tam hle. Buoina ieng taluo umlo a zo theia a umna chungthu ah organiser chun lawmthu an hril. Hi Trophy le inzawm a kum nawk a Prize ding khawm 1 Lakh chu Upa Lallawmsang PA to Asab Uddin, MLA Jiribam in an tiem bawk.

Hi hun hi MHJU hnuoia mi Local Newspapers le Local Cable TV News Channel Reporter (CCR) hai le Imphal bakah Khawvel huop Media tum tum haiin an uop a. Chuonghai laia chun ISTV, Imphal; AIR FM, CCPur Kendra hai khawm an thangsa bawk. Hi hunser hi drone camera le photographer tam takin an uop a an suk thupui hle. Chun, FC Ridil Media Partner Hornbill Cable Network (HCN), CCPur (Manipura Cable TV Service hmasatak) le Manmasi Local Channel in coverage an thaw bawk.

Condolence Salute- Hmar Returnee Association, Salutation Parade NCC Rayburn College, Cultural Items- Kom, Meitei, TKSU, Hmar a inthawk le Special Nos. Blessed Choir, Hmar Artistes- Mr. Lalsanglien Zote, Miss Lalengvari Sinate, Miss Rotinkhawl Hrangchal, Miss Lorinda Varte, Mr. John L. Varte haia inthawk ngaithlak a ni a, Hmar Artiste inlar Mr. Eljay NGaite le Miss Lawmnakim Hrangate (Zomi Idol 2015-India) Comperes a thangin hnesawtakin hun an vawng a nih.

Don't Miss
© all rights reserved
made with by Simon L Infimate