Press Release
The 23rd December,2016

Lawmthu, Ditsakna le Ngenna

Pherzawl /Tuithaphai: 1. Pherzawl District Demand Committee  hmalakna le inzawma public notice le press release hrim hrim a rate anga la lo va, concessional rate (discount rate)-a mi lo insuo pek hlaktu Pu Lalmalsawm Sellate, Editor & Publisher, Hmasawnna Thar Daily kuomah bat lovin lawm thu kan hril takzet. Hi ruol ruol hin Social Media- Virthli, Hmar Group Face Book, Fox Journal, Inpui.Com, Sinleng News, etc Admin hai kuomah khawm lawm thu kan hril takzet a nih.
2. Pherzawl District Demand Committee hmalakna le inzawma thahnem ngaia sum le pai phal taka hung thawlawmtuhai popo kuomah news fethlengin lawm thu kan hung hril takzet a.
3.  Date 22nd December, 2016 nia VET, Muolhluma Pherzawl District Lawmna Le Inrawntlangna Programme-a hun changtu dinga ruot ngaipawmawa sukdiktu hai le hung thang pawl tum tuma inthawka hnam thuoitu hieng: Dr. Chaltonlien, Chairman, Hill Area Committee, Manipur, HCLF,Hqrs., Hmar Inpui, Hqrs, HNU, Hqrs, HWA, Hqrs.,HYA, Hqrs. le HYA Tuithaphai Jt. Hqrs., HSA, Churachandpur Jt. Hqrs.,, HSA, Hqrs, HAA, Hqrs., HACS, Saikot Sub Division Demand Committee, etc, Tuithaphai laia Village Authority, Tipaimukh Village Authority, Vangai Village Authority, Valupa, HYA, HSA, HWA unit/ branch thuoituhai. Officer le intellectuals hung hai po po kuomah Pherzawl District Demand Committee hmingin lawm thu hung kan hril mawl mawl  bawk a.
4. Tukum 2016 -2017 Chrismas le Kum thar chibai kan buk cheu a, Krismas hlimum tak le kum thar lawmum tak hmanga Pathien malsawmna tam tak dawng seng dingin Pherzawl District thara hnam um popo/ mipui popo ditsakna vochum Pherzawl District Demand Committee hmingin kan inhlan takzet cheu a nih.
5. Pherzawl District pieng thar le inzawma thurawn tha tak tak hung thawlawmtu hai po po kuomah khawm lawm thu kan hril takzet a .
6.  Hma tieng peiah Pherzawl District le inzawm hin hnam bing lungril neia, tawng bau, ngaituona zungzam ziek suok lova, khawlbing lungril nei lo va, a sunga cheng hnam tum tum umhai laia inremna le muongna, in unauna thalem le inruolthatna thalem, mi entawn tlak, mi ngaisang ram, khawpui mawi le thienghlim, lampui inhawi, khuolzin mi hai lungmuong taka an umna, a chenghai  mikhuol lawm thiem ram, mi ngainatzawnga um thiem, sawrkar sin thaw le contractor hai lo thangpui le harsatna siem ngai lona ram, Corruption-in hmun a chang nawna ram, sawrkar sinthawtuhaiin an post-na hmun ngeia um sengna ram, zu le drugs-a fiehlim ram, inpawng nekna um lona ram, mi rethei le harsa hai sawmdawlna ram, election politics-a thienghlim taka inthlangna ram, inchukna le economics tienga hmasawnna ram, culture vawng hringna ram, tlawmngaina le neka upa lem hai inzana ram, nuhmei chawisangna ram, rukru le suom hmang umlona ram bakah Ram roreltuha’n Pathien ti a, Pathhien-in lal tak nina a changna ram ni dingin  biel mipui le Manmasi nau hmun tum tuma umhai tawngtaina’n ienglai khawm theinghil lova hung hri tlat dingin  PDDC chun a ngen takzet cheu. Pathhien Kuomah Pherzawl District ei inhlan mawl mawl a nih…. “ Lalpa, I malsawmna Pherzawl District kan nei hi, I ramropuina, nangin lalna I changna ram la hung ni pei din, ram roreltu le thuoituhai varnan inthuom pei dingin” kan tawngtai  -PPDC.


Issued:
Timothy Z. Zote
Public Relations
Pherzawl District Demand Committee
Mob. 8794202329
Email: timothyzzote@rediffmail.com



Post a Comment

Powered by Blogger.