Guwahati, 5 Dec, 2016, Virthli (ONP): Liemtah 2nd December khan Hmar Welfare Soceity Guwahati kei hruoina hnuoia SIKPUIRUOI Cum Welfare Annual Meet 2016  puithu taka hmang anih.
Hi hun a hin Khuollien (Chief Guest) in Shri Shishir Jha, IRS Pr. Director of income Tax (Inv) NER, Guwahati hmang ani a,Sikpui Pa dingin Pu P.K Singson, IBS (Retd.) hmang ani bawk anih.

Artistes hai :
1.      Pi Rose Darpui
2.      Nk. Rose Puruolte
3.      Tv Vincent Hekte
4.      Nk. Mary Paite
5.      Tv. Lalramsan Hekte
6.      Tv. Ngultholien
7.      Tv. Stanley Zote
8.      Nk. Jehova Inbuon
9.      Tv. Lalthuthlung Zate
1.   Tv Donald Khawbung
1.   KTP GHCF CHOIR
1.   KTP ICI Choir
1.   KTP EFCI Choir

Hi hunser hi hun hnia thein, Tv. Eric Ralsun, Pu Albert Sithlou, Nk Vasty Pangamte le Nk. Deborah Hrangchal han keihruoiin hun hmasa tieng mipuiin Aw kan Hmarram ' ti hla an saka, Hun  hawng tawngtaina Pastor Lalmuonthang, Local Pastor,EFCI Guwahati in a nei zoin Pu C.S Daniel, Chairman, Organising Comtt. Guwahati in lawmlutna thucha hrilna hun a hmang.
Chief Guest Shri Shishir Jha, IRS Pr. Director of income Tax (Inv) NER in thuhrilna neiin North East mihai hi mi taima le hmangaina hau in ni a,hienga ang mizie ditum tak hi India hmun danga khawlai khawm hmu ding a um naw ani tiin ahril anih
 SikpuiPa Pu P.K Singson, IBS (Retd.) khawmin speech neiin Ei Hnam hi inzapui ngainawng ei tiu a,Zo hnathlak laia Hnam tamtak ei ni ti hi hretlat ei tiu tiin ahril ve anih
Speech Pu Joshua Neitham, Convenor, Blood Donors Club hun neiin,tukum Guwahati sunga damnaw leia Thisen ,Blood Donors hminga pe hai chawimawina Certificate in hlan na anei bawk anih. Chuzoin, Hmar Welfare Soceity Guwahati Secretary Lalremthang Khawzawl in tukum sunga Hmar Welfare hmalak dan hai chipchier taka report pein hun ahmang bawk.

Hun hnina tan nawkin Mipuiin “Sakhming hmar nau zaleng haiin” sakin hun hawng nawk ani a,Pu Thanghlun IRS Chariman HWSG thuhrilna neiin  Hmar haiin NC Hill a Sikpuiruoi Dec ni 5 hi Holiday a puong alo nita a, sawrkara Assam pumpui hi Holiday ngen harsa sienkhawm Hmar nau hai tadingin Restricted Holiday beka Dec 5 hi ei hmu thei nadingin hmalak mek ania,chun Guwahati Hmar in Assam sawrkar bula  ram a ngen khawm hmu ani vangta thuhai hrilin, lekha tlawm Sonapur DC bula sukfel ding ala uma chuleia la fel  theilo ani tiin ahril bawk anih.
Mr le Miss Sikpuiruoi 2016 thlangna nei ani a Mr Sikpuiruoi in Tv. Lalthangzawm Ralsun le Miss Sikpuiruoi dingin Nk. Kidron buongpui hai thlang an nih.


Vote of  Thanks hrilna hun Pu. Rosanglien Puruolte, Secretary Org. Committee  in a nei a.Hun kharna hla “Kan Tlangram mawi' mipuiin sak in. Pastor Lalmuongthang in hun khar tawngtaina neiin hun suk tawp anih.Hun khar zoin Sikpuiruoi a fe hai Ruoi inhnik tak kiltlang ani

















































































































Post a Comment

Powered by Blogger.