Aizawl, 30 November, 2016, Virthli (ONP): Mizoram Excise & Narcotics Department hnuoia Anti-Narcotics Squad hai chun vawisun tarik 30th November khan Rangvamual, Aizawl ah ganja kg 21 le gram 700 le a neitu nia intum Lalramzauvi, kum 46, Pu Lawmvela (L) a naunu, Tuiring, Churachandpur District, Manipur nia insal chu an man.
Excise & Narcotics Department Public Relations Officer Pu Peter Zohmingthanga in a hril danin, hieng ganja hai hi Churachandpur anthawka hung phur niin Aizawl ah zawr tum a ni lai meka man an nih.
Ganja leia man Lalramzauvi hi Narcotic Drugs and Psychotropic Substances Act, 1985 hmangin thubuoi siem pek a nih. 

Hi baka hin Pu Liansangzuala, Judge, Special Court (NDPS Act), Aizawl chun November ni 17 khan thutlukna siemin August ni 24 a Ganja kg 10 phur leia man Lalchhandama, Pu Lalthangliana a naupa, Rangvamual Mel 4 mi chu thiemnaw inchang tirin kum thum sung jail-a intang ding le tangka fai cheng (Rs) 50,000 chawi dingin a chungthu rel a nih. Sum chawi ding a neinaw naw chun kum khat dang intang nawk dinga ti a ni bawk.

Post a Comment

Powered by Blogger.