Patpuihmun, October 9, 2016, Virthli (ONP): October 6, 2016, dar 3:15PM  RIMS, ICU ward a lungnatna leia  chatuon ram mi lo inlawi san tah- Patpuihmun, Vangai Sumtuk Lalnu Pi Rodailovi (96), Dr. Caltonlien Amo, Tipaimukh MLA a piengna nu chu vawisun October 9,2016 dar 4:00 PM  khan Patpuihmun tlanmuol ah ropui takin vuoiliem a nih.



Pi Rodailovi a ruong hi Imphal HYA Joint Hqtrs haiin Old Churachand chen an inthlaliema, Khawmawi le CCpur Police station a hai  ngainatu tamtakin an lo hmuok a. Pu Upa Laldawnlien Varte President, HYA Gen. Hqtrs in tawngtaina neiin Old Churachand hmunah a ruong hi Tipaimukh biel tieng an thla liem a. Pi Rodailovi a ruong hi khuo tum tum hieng- Santing, Pherzawl, Damdiei, Taithu,Parbung, Lungthulien, Sipuikawn le  Tipaihmukh a hai sung-le-kuo le lainatu tam takin ralna hai neiin a ruong hi an lo hmuok .

Pi Rodailovi a ruong hi Tipaimukh khuo tlungpui ani zovin,Tipaimukh HYA le Val Upa haiin Tipaimukh ah  Patpuihmun Val Upa le HYA hai kutah inhlanna an nei a.A ruong hi motorboat 3 (pathum ) thuoiin Patpuihmun tieng panpui ania,zan dar 8:00 PM khan an lalna khuo Patpuihmun tlungpui a nih.

Pi Rodailovi hi kum January 14, 1921 January khan a pienga, kum 1942 khan  ( L) DR Thuoma, Chief of Pathmun leh Pastor H. Chawnga Pudaite in  Patpuihmun NEIG Mission Biekin ah an nei tir a.Pu DR Thuoma le hin nau 9 an nei anih.

Pi Rodailovi,Vangai Sumtuk Lalnu vuina hunser  hmang ding hin a khawsung mipui el bakah Imphal, CCPUR, Hmarbiel le Vangai tlanga  inthawk ama  ngainatu tam tak el mipui an fekhawm .


Post a Comment

Powered by Blogger.