Guwahati, October 10, 2016, Virthli (ONP): Pi Ruth F. Hmar W/o Pu Thanghlun Hmar, IRS chun an nupa innei champha 24th Wedding Anniversary (10th October) le inzawmin a hla phuok "HANNAH TAWNGTAINA" ti hla chu mitin ngai thei dingin alo tlangzar/upload tah.

Pi Ruth chun "HANNAH TAWNGTAINA" ti hla hi Bible a mi, 2 Samuel 2:1-10 a mi a thu a lak le a lungrilah Pathien kuomah LAWMTHU hril a nuomna hai hmetkawp a hlathua a ziek dawk ani thu a hril a, a  thluk hi Tv. Solomon V. Hmar in a siem pek, mawitaka Nk. Gladys Lalparzo Sanate in a sak thu a hril.


A phuokna san chu hiengang hin a hril, "Pathienin nau Malsawmna Nuhmei pathum a mi pek hnungin Nau pasal kan inhnar (dit ve) ve leiin Hannah in naupasal a dit a, Pathien kuomah a hnina (Tawngtaina) in tawmpuiin ka lo hni ve a, chu ka hnina chu dawnin a uma, 6th January 2007 Khan naupasal lawmum tak el Pathienin a mi pek a, a hminga Samuel Hmangaichunghnung ti kan sak nghe nghe a nih. Chutaka inthawk chun ka lungril a hin 2Samuel 1-10 hi ka ditna a bo thei ta naw a, a thu hi Hla-a siem dingin tha hi ka ti hle a, amiruokchu hlaphuok mi ka ni naw leiin mi dang hlaphuok thiem haiin hung phuok hai sien, ka lo ti hlak a, anachu, mi phuok dinga ka dit kha Pathienin kei a mi'n phuok tir ta lem a nih".



Hi link a khawm en thei a nih>https://m.youtube.com/watch?v=f-WvaGJx_gE

Post a Comment

Powered by Blogger.