Jiribam, September 25, 2016, Virthli (ONP): September 24, 2016 chawhnung dar 2:00 vela Jiribam Hmarveng a truck chesuol leia Pu Lalvarlien a nuhmei Pi Lalngaikim @ Ngaii (34 yrs) le a naute thla 9 mi Catherine Zosangkim a delhlumna thuah Jiribam Hmarveng Administrative Council hmalakna hnuoiah a truck neitu Mr. Shanti (@Computer Doctor, Shaw mill, Brick factory nei hai) Jiribam leh inbiekna vawisun khan nei a nih. A truck neitu hi Meitei a ni a, Hmar dana inbiekpui a nih. Hun iemani chen inbiekna an nei hnungin a motor neitu haiin a thi hai luongman Rs. 8 lakhs pe dingin an intiem a, a thi hai ruong puondum a inkhumna an nei bakah vawk ngei thata inremna siem a nih. An inbiekna dungzui chun Rs. 2 lakhs pe phawt an ta, abang po chu kumthar February thlaa pe fai vawng dinga ti a nih.

Pi Lalngaikim le a naute ruong chu zanikhan postmortem an thaw zovin an ruong Police station ah zan inriek tir a ni a, nunghak le tlangval thahnemtawk takin an nghak a nih. Vawisun khan an ruong lakdawk niin zinga hin an vengah vui liem ning an tih.

Post a Comment

Powered by Blogger.