CCPUR | 20th August, 2016; Virthli (ONP): HSA CCPur Govt. College Unit chun vawisun dar 10:30 AM khan VTI Auditorium, Muolhlum, Rengkai ah Freshers’ Social Meet 2016 phuisui takin an hmang. Nk. Jacabeth Roparmawi in hun hi  keihruoiin hun hmasa tieng  mipuiin’ Hmar puonzar khai ei tiu’ ti hla an sak , Hun hawng tawngtaina Joseph Lalthazuol sungte,Convener , HSA CCpur College Unit in a nei a .Lawmlutna thucha Nk.Florence Lalthazuol in hrilna hun a hmang. Chief Guest Prof. Ricky Vanlallawm,Principal CCPur Govt. College in thuhrilna a nei huna chun Ccpur Govt. College chu tulai inchuklai tam takin an bawm tah thu hai a hril a,hmun danga sum tamtak seng ngai loa Ccpur lai ngeia college hi kai thei ani thu hai hrilin students hai chu tumru dingin le  thiltum neia lekha inchuk  dingin an fui a.Inchuklai hai chu an thiltha hriet hai topui el lova hril suok pei dingin an fui tawl.Thuhrilna a nei zoin thlipek inhlanna a nei.

Functional President Pu Lalhrillien MDC,Saikot khawma students hai chu tum tak tak neia  lekha inchuk dingin le College kai el chau niloa lekha inchuktu ni dingin an fui a.Inchuklai hai chu mani hmakhuo chau ngaituo loa mihai ta dinga malsawmna ni dingin an fui bakah Students hai chu Inferiority Complex nei lo dingin an fui tawl .Thuhrilna a nei zoin thilpek inhlanna a nei ve.

Tukum 2016 hin HSA Freshers’ hi mi 79 an uma.Hi huna hin an rengin hung thang vawng naw hai sien khawm.Freshers mi 19 ha’n self introduction le inhmelhriettuona hun an hmang a .Freshers hai tawngtaipekna hun Pastor Thangroliana in a nei a.Mr & Miss Freshers in Tv. Krossngaisang le Nk.Lalremruot Joute hai thlang an nih.


Hi huna hin Nk.Jeneth Hrilrohnem,Secretary le Tv Stephan Remnalal ,President HSA CCPur Govt. College ha’n Khuollien hai chawimawina thilpek inhlanna le Lawmman semna hun an hmang a.Tukum 2016 a CCpur Govt. College a’nthoka graduate thar mi 32 hai chu Certificate of Appreciation inhlanna hun Education Secretary, HSA CCPur Govt. College Unit hmang a nei a.August ni 5,2016 nia HSA CCPur Govt. College Unit in Essay writing competition a huoihawt huna a pakhatna latu Tv. Immanuel kuomah Lawmman  inhlan a ni bawk. Hi hunser hi HSA CCpur Jt.Hqtrs, HSA Imphal Jt.Hqtrs,MZP, TKSU, SSPP, GSO, KZP, FHG, FJ  hai khawma uop vein thuhrilna hun le thilpek inhlanna hun an hmanga, hi huna hin Couple Parade nei ania.Best couple in Tv. Eldad Sungte le Nk. Euniky Joute hai thlang an nih.

Hi huna hin Christina Shakum, Gloria Khawlhring, Grace Famhoite, Eljoykim, J.Ramcheimawi,RV Zote,Immanuel le Michael Paugoulian haiin mipui fekhawm hai hla mawi tak takin an in awi. Hun khar tawngtaina NkMary Lalthazuol in a nei zoin Ruoi inhnik takel kiltlang anih.


-Muona Infimate 

Post a Comment

Powered by Blogger.