Mi tam tak tadinga Lawmna sukkimtu:
Lawmnakim Hrangate (Zomi Idol India 2015) Birthday May 24 puolin
(Comment-naa hin a Birthday wish thei)
-LRS PuruolteHming: Lawmnakim Hrangate
DoB: May 24, 1996
Height: 5.6 ft
Siblings: One Brother
Education: BSW 2nd Year (College of Social Work, Imphal, Manipur)
Father: Edward TC Hrangate
Mother: Lalbiekhlun Hrangate
Brother: Simon Hrangate
Address: Light House Lane, Lower Lamka, CCPur, Manipur (India)
Hlasak hi a chintet a inthawkin a'nhnika, Class IV a'nchuklaiin stage ah hlasak dingin a kai tran tah a nih. Ka la hriet zinga, Rengkai a an um laiin Naupang Sunday School ah Puitling ah an mi sawnkai charin hotu dinga ruotin ka um ve a, chuonglaichun Lawmnakim hai hotu hi ka lo ni phak ve a. Naupang fel tak, thil hrie thei tak, nungchang thra tak a ni a, hlasak khawm hieng lai hun a hin a thiem zie ka lo hriet tah. ""Go Light your world" ti hla a sak lem chu kohran inkhawm a suk burip thei hle. Naupang inkhawmpui le KTP inkhawmpui Singing Competition a thrangna taphawt a hai chun 1st Prize a lak vawng hlak.
Lawmnakim chun, "Hlasak hi inchukna hranpa khawm ka nei chuong naw a, Pathien malsawmna lieu lieu a nih. Ka nu le pa in an mi support thra khawp el a. Ka thil thaw a hai mi'n hnikpuiin an mi sukphur thei hle." tiin a hril a. "Music hi ei hnam chawisangtu pakhat a ni leiin, Hmar nau haiin artiste hai hi promote tung pei ei tiu" tiin a hril a nih.
April 21, 2015 Zan dar 7:30 PM IST a Sielmat ICI Naupang Sunday School Hall a “Krista thubul hril ta loin puitling tieng pan ei tiu” –Hebrai 6:1 besan a siem, Sielmat ICI Kristien Thalai Pawl Production 2015, Hmar Feature Film: PUITLINGNA (Maturity) Releasing Programme huna ama hlaphuok ngei "Aw Thralai" ti hla a hei sak dam kha a rawl le a piengin a zir bawk, na le mit a tlai ngei ie. Barak Valley Hill Tribe Development Council (BVHDC) Sponsor a Hmarkhawlien, Cachar, Assam a Sikpuiruoi 2015 trum khawm khan a hlasak thiem leiin a hlu hle. Hmun dang dang a hai khawm a hlut zie chu hril sei a ngai naw a ni deu tak.
A U pa Simon Hrangate khawm hi Naupang Sunday School a Skit Show kan nei chang ama hi Police Officer lim damin a'nchang hlak a, lemchang khawm a hnesaw thei hle. Naupang fel tak a ni hlak.
A U Simon Hrangate hi tuhin Azularc International ah a thawk mek a. Ama hi Grapic designer a nih. Suong an um thei vang vang hle.
A pa hi a'nlar em em, AIR Imphal a Hmar Programme suk buriptu a nina a sawt ta hle. A pa hit song hai chu inzawt seng a ni nawh. Tulai huna Band inlar Sinlung Express ei hril ding chun an Singer le Lawmnakim a pa Edward TC Hrangate @Edward bovin a kim thei naw a ni deu tak. Mizoram le Zohnathlak khawvel a chun Pu Edward hi a hrie naw ramsam an um naw a ni deu tak. Ama khawm hi "Love Knots" ti Album Indian Classical Music hmangin Mumbai (Bombay) hmuna recording thawin The NE Sun Magazine in an Produced ngat kha a nih. MZP, YMA etc inkhawmpui huna hai singer threnkhatin mithli leh an sak hlak le Rimawi Khawvel in kum zawna Song of the Year a a thlang "Nun hlui trap hla'n an chang" ti hla dam kha Zohnathlak haiin ama (a pa Pu Edward) an hrietlarna hla pakhat a nih.
Lawmnakim Hrangate chanchin hriet sapsa i nuom ngei ring a um. Vacancy a la um am? Music Video Album a siem tam? Iem a aim in Life ? Iem a du zawng? A ngainat zawng? ti le a dang dang hai chu ama ngei lungril le titak zeta i friend a, i lo indawn lem el dingin sie phawt ei ti aw.
HAPPY BIRTHDAY Lawmnakim Hrangate !
