Aizawl, May 27, 2016 (VIRTHLI): Mizoram Home Minister R. Lalzirliana chun HPC – D han Autonomous District Council an demand zing chun tuta sawrkar leh inbiekna ding hin umzie nei nawh nih a tia, hi thu hi VC by-election nei hmaa Hmar tlangdung a sir tumin Hmar thuoitu thenkhat kawlah a hril thu home minister chun vawisun Congress Bhavan a political session neina ah a hril.

Home Minister chun Hmar tlang dung YMA thuoitu han rambuoia um kan nghawk em el tah tiin CYMA ah an intluna, CYMA in sawrkar ah intlun nawkin inbiek dinga ramhnuoi mi ha’n an nuom thu YMA fe thlenga an hril chu sawrkar khawmin a ngai pawimaw a nih a tih.

Sawrkar chu a ngirna pangai ah la ngir zing sienkhawm Mipui in rambuoia um an nghawk ta leiin sawrkar khawmin inbiek a nuom thu hrillin, HPC-D haiin ADC ngawr ngawr an demand chu thaw tanaw hai sien a nuom thu a hrila, “Autonomous District Council an demand zing chun inbiekin umzie nei naw nih,” a tih.  (VIRTHLI)

Home Minister chun sawrkar nuom dan chu Hmar political leader hai khawma ramhnuoimi hai kuomah lo intlun dingin an cha thu a hril bawk a nih.

Post a Comment

Powered by Blogger.