Guwahati, April 23, 2016 (Virthli): Vawisun khan Hmar Students' Association (HSA) 21st Executive Council chu Hotel Rajmahal,Guwahati hmunah nei a nih.


HSA Joint Headquarters/Branch tum tum anthawkin palai le Advisers hai an fekim tha hlea, Council hi HSA Assembly Speaker Pu Lalthlamuana Hmar keihruoina hnuoia nei a nih. Hi Council huna hin HSA 55th General Assembly, Muolhoi thlirkirna (review) hun an neia, Council chun Muolhoi khawtlang/mipui in hnesaw taka an lo mikhuolna thuah lawmthu an hril bakah felfai taka Assembly an huoihawtna thuah General Assembly Organising Committee (GAOC) chungah lawmthu an hril bawk a nih. GAOC in report an pekna a chun 55th HSA General Assembly, Muolhoi a January thlaa nei le inzawma sumhmu popo chu Rs. 7,03,925/-, hmangpo Rs. 7,01372/- niin balance Rs. 20,553 zet la um chu General Headquarters ah an inhlan a nih.

HSA General Budget hai pharna nei ani bakah Tipaimukh le Vangai a haia Education Campaign nei dingin an rela,chun hmun tum tum a Competitive exam le inzawma HSA Free Coaching thawhai Rs.10,000/- senga thangpuina pe dingin an rel. 56th General Assembly, 2017 innghatna ding hmun in Ankhasuo, Manipur an ruot fel bawk a nih. Hienghai bak a hin ro tamtak rel a nih.

HSA Guwahati Joint Headquarters le an Adviser Pu Thanghlun Hmar hai hmalakna zarin Council hi 4 Star hotel ngat Hotel Rajmahal, Conference Hall ah inhawi taka nei a nih.

Post a Comment

Powered by Blogger.