CCPUR: Dec. 22, 2015, 3:00PM khan District Administration, CCPur hmalaknain DTC Hall, Tuibuong­, CCPur hmun ah The 9th ONGC NE Tamchon Football Tournament 2015, New Delhi hmuna zu thang (Football Heroes) Muvanlai FC, SSPP FC le Hmar FC hai Felication -­cum- Advent Christmas 2015 hmang pui an nih. Hi huna hin Nk. Emma Pachuau; Naemi Haokip, Joycee Vaiphei le LL Muona ha'n hla'n an in awi a, Mr Lunminthang, DC, CCPur in lawmlutna thucha a hril a, Rev. Rohminglien Pakhuongte, Vice President, (Education) PMS in Chrismas thucha hrilna a nei a, Rev, Jacky Simte Superintendent, Manipur District, AGEI in Tawngtaina hun a hmang. Tribe leaders le student leaders hai le Team Managers, Team Captain ha'n thuhrilna hun an hmang bawk. Zantieng ruoi kiltlang a nih.

Hi hun hi fiel an ni angin Muvanlai FC, SSPP FC le Hmar FC haia, Tribe leaders, Student organisation leaders, Women and Philanthropic Organisation leaders hai khawmin an uop a nih. The 9th ONGC NE Tamchon Football Tournament 2015 a khan Muvanlai FC in hrattak nina an lak a, SSPP FC in pahnina le Hmar FC in a pathumna an lak a nih.

Hiengang hun Dist. Adm in a hranpa taka a huoiihawt hi inpak a um tak zet. DC CCPur felna zar a ni a, inpak a um hle.

Photo Credit: LTph MH

Post a Comment

Powered by Blogger.