Aizawl, April 19,2015:  Lai Students Association,  Joint Headquarters, Aizawl chun Lelte Weekly buotsaina hnuoia LELTE AWARD 2015 a Bethsy Lalrinsangi Album 'NANGMAH NAIH CHIN KA DUH' (LAI HLA) in Non-Mizo category ah award a dawng thua hrietthiem hrasa an ti thu thusuok an siemna a chun an tarlang. Lai thu le hla hi Mizo huong sunga thang lo anga mipui a thuoi kawi thei leiin Lelte Award Organising Chairman Pu C. Dinthanga in LAI HLA Non-Mizo huong sunga a sie nasan hi hrilfie ngei dingin an phut bawk a nih.

Hnam inpumkhatna suksiet thei zawnga Social Media chena thu an dar lai khawma LSA chun to anchu zing a. Hnam inpumkhatna suksiet thei zawnga thil a tlung hlak hi an dit naw hle thu an hrila chun, pawl hrang hrang le mimal tin hai khawmin, Lai ,Mara, Hmar le a dang dang khawm, mani tawng le zirang humhal thei han ei tawng humhal a, thu le hla ei humhal vena kawnga hin inlak hrang le SINLUNG suok inunauna suksetu ah mipui hai in min tum tanaw hai sien an nuom thu HC Lalbiakthanga, Secretary, LSA Aizawl JHQ hminga thusuok an siemna chun a tarlang a nih.

Post a Comment

Powered by Blogger.