Aizawl, 20 April, 2015: Central Young Mizo Association (CYMA) hmalakna in Aizawl khawpui sungah inruithei thil chîng le nuhmei umțha pei lo mi 143 lai man anni thu CYMA report chun a tarlang.

CYMA SRS chun ni 11 April, 2015 zing dar 5:30 ânthawk khan Aizawl khawpui sungah Drugs le nuhmei-pasal thila umțha pei lo hai inthielfai beipui a thlaka. Vawisun ni 20 April, 2015 chen khan No.4 (drugs) leiin mi 104 man an nita a, nuhmei umțha pei lo/nawchizawr (KS)-7 le inruithei le thil dang dang thawa umțha pei lo mi 31, an rengin mi 143 lai man an nih.

Hi hai lai hin pasal 86 le nuhmei 57 bakah tuoi (apadawp) inzawr 3 an țhangsa bawk ti CYMA report chun a tarlang.

Hieng an mi man khawm hai hi an umna YMA branch țhuoituhai hrilin an in tieng țhuoikir nghal an ni a, YMA Branch ha'n an țhuoikir remchang naw mi 8 hai chu New Life Home Society Jeriko, Durtlang le Protective Home Hunthar Veng, Aizawl ah nundan indik le lampui indik a hraw thei beseina leiin sie lût an nih.
New Life Home Society Jeriko, Durtlang a hin mi 6 sie niin Protective Home Hunthar Veng, Aizawl ah mi 2 sie an nih.

Hieng man khawma umhai hi IKO ânthawkin Counsellor hungin nitin Counselling neipui mek an nih.

SRS hmalakna kawngah a țulna tieng tienga hmang dingin Presbyterian Kohhran Dawrpui Hmeichhia Committee ha'n Rs. 5,000.00 le College Veng Branch YMA ha'n Rs. 2,000.00 an pek leiin CYMA chun an chungah a lawm takzet thu a hril.

Post a Comment

Powered by Blogger.