Shillong, March 13, 2015: Evangelical Free Church of India (EFCI) in "Ka chunga a thilthaw that po po hi, LALPA kuomah ieng am pe ve thung ka ta aw? (Psalms 116:12) ti thupuia hmanga 42nd General Assembly, 2015 ni 7 sung zet aw dinga programme an siem chu March 9 khan EFCI Centre, Demthring, Shillong, Meghalaya hmunah tan a lo ni tah a. Programme induong lawk ang taka hmang peiin, vawisun khan Business Session chu zofel a nih.

Business Session huna hin ro tam tak rel ani bakah, mawphurna thenkhat hieng a hnuoia ang hin ruot thar an nih:
1. Secretary, EFCI - Rev. Simon L Darngawn
2. Music Promoter - Mr. Bobby R. Songate
3. Accounts Manager - Mr. Lalremkung Pakhuongte
4. CCMI Promoter - Upa Buongneikung Buongpui
5. District Superintendent,  Aizawl District - Rev. Isaac Vohbika Ralte
6. District Superintendent, Cachar District - Rev. J. Hminga Inbuon
7. District Superintendent, NC Hills District - Rev. Lalrotluanga Darngawn

Hieng hai baka hin Mr. Gobin Reang chu Probationary Pastor pek ani bawk.

Hung tlung ding tarik 14 le 15 hin hi inkhawmpui hun hi Workship Service le Seminar huna hmang ning a ta, hieng hun haia thuhriltu ding hai chu Rev. Immanuel Lalthlenglien, Lecturer, TCS, Saikawt District, Rev. Lalnghaksang, Assocaite Evangelist at Large, Rev. John L Thilsong, Secretary, EFCI le Rev. Lalbiektluong, President, EFCI hai ning an tih.

EFCI Executive Committee members with Assembly Moderator Dr. Rochunga Pudaite and his wife Dr. Mawii Pudaite

Post a Comment

Powered by Blogger.