New Delhi, January 17, 2015: Supreme Court chun Mizoram raltlan Reang/Bru hai chungchanga hearing neiin Reang hai chunga Central sawrkar in hma a lakdan le a enkawl dan thua a lungawi naw thu a hril.

Supreme Court Justice Madan B Lokur le U U Lalit hai chun Central Sawrkar in Reang raltlan hai a enkawldan thua an lungawinaw thu le mihriem enkawldan ding a ni naw thu an hril.

Central sawrkar hin Reang raltlan hai inenkawlna ding hin nitin Rs 5 hisap in puitling po a peka, kumtlinglo hai po chu Rs 2.50 chau nikhata a pek a nih. Hi bak a hin kumkhata thuomhnaw pair khat, sabawn pakhat, chapal pakhat chau a pek hlak a nih.

Hi chungchanga central sawrkar aiaw a Court a ngir Additional solicitor general P L Narasimha chu ngaidam inhni in sawrkar affidavit chu a withdraw ngal a nih.

Supreme Court in Reang raltlan mi 36,000 hai hmatieng peia an khawsak dan ding plan felfai taka siem dingin sawrkar chu an hriettir a, karli (4 weeks) sung ngei Central, Mizoram le Tripura sawrkar hai inbiekna nei tlanga action la nghal dingin an hriettir sa bawk a nih.

1997 kuma Mizo le Reang buoina leia Tripura rama Reang raltlan hi mi 36,000 neka tam an um a, hienghai hi Tripura- Kanchanpur le Panisagar sub-divisions hmuna relief camp hai ah an la khawsa mei mei a nih. 

Post a Comment

Powered by Blogger.