Pherzawl/CCpur (HT): January 15, 2015 khan Pherzawl Day a vawi 6-na chu ropui taka hmang a nih. Hi huna hin Pu Lalsanglien, ZEO, Churachandpur; Pu Lalhmangpui Fimate, MDC le Prof. Dr Lal Dena hai chu Guest of Honour, Functional President le Chief Guest in an thang. Pherzawl Day le inzawm hin Pu (L) Thanglora (founder Headmaster, Pherzawl Govt. Hgh School) hrietzingna lungdaw hawngna le a chanchin inziekna lekhabu hawngna chu Prof. Dr Lal Dena in a nei bawk.


Pherzawl mi-le-sa famchang tah le a la dam chawimawi tlak mi iemanizat kuoma Pherzawl Day Celebration Committee chun Memento an hlan. David Lalngaisak Sawngate in mawi taka a design Pherzawl Day Celebration Committee Logo hi huna hin tlangzar a ni bawk. Programme session 2-naa chun ‘Education Development’ ti thupui hmangin seminar nei a ni a, hi huna hin Rev. Thangdailo, L. Thanzam Pulamte le Prof. Dr Lal Dena hai chu resource person in an thang. Pherzawl HSA haiin Pu (L) Thanglor a nuhmei Pi Sawilienhnem Thangsuopuon insiltirna an nei. Chun, kum tina lawmman sem hlak Zawlkhawpui Meritorious Award 2015 khawm inchuklai iemanizat kuoma inhlan a nih.

Post a Comment

Powered by Blogger.