CCPur, 7th Nov.,2014: Nov. 7, 2014 sun hun a khan Thenmuol Community Hall, Thenmuol, CCPur hmun ah Hmar Women Association (HWA) Gen. Hqrs. le Centre for Organisation Research and Education (CORE) thangkawpin ONE DAY WORKSHOP ON CRIME AGAINST WOMEN nei a nih. Hi hun a hin Thenmuol, Ngurte le Muolbem khuo haia inthawk HWA member za (100) chuonglai an fekhawm. Hi hun hi Session 1 le 2 a the a ni a. Mrs.  Rothari, Vice-President, HWA GHQ in a keithuoi a, Mrs. Elizabeth, Treasurer in Pathien kuoma tawngtaina-in hun a hawng. Mrs. JL Sawmi, President in Lawmlutna thucha a hril zoin Workshop Thupui tum tum hai ngaithlakna nei a nih. Ms. A Shanta Devi, JMF/CCPur  in “Lok Adalat” le Mr. Y. Rothar, CJM/CCPur chun “Domestic Violence”  le Ms. Lalsiamleni, Advocate chun “Women’s Rights” ti a hril bawk. Hieng thupui tum tum hai ngaithlak zo hin mipui tienga inthawk dawnletna le hriltlangna hun ditkhawplo taka hmang a ni a. Fekhawmtuhaiin an hlawkpui zie le hiengang hun nei rawp dinga tha an ti thuhai an hril. Mrs. Chongtuozing Gen. Secretary  chun hi hun a hin Nauhai enkawl that a tul zie, Naupang khawlai inleng tir mei mei lo ding, mi kut a sie mei mei lo ding le fimkhur hle hlak dingin nuhai chu a hril. Tulai hnai el a thil tlung nuhmei suolluina le suollui tumna case hai khawm hi fimkhur tawknaw lei a nih tiin a hril bawk. Lawmthu hrilna hun Mrs. JL Sawmi Gen. President in a nei a. Mrs. Lalnunmawi Thenmuol in hun khar tawngtaina a nei zoin hi hun hi hmangzo a nih.

Gen. President, HWA GHQ  chun, tulaia nuhmei hai chunga suolna chi tum tum hai laka mitin fimkhur a tul zie, Human Trafficking laka inveng fimkhur seng ding le miin umpui dinga ei nauhai an mi hni khawma hrietchienglo hai kuoma sum dit lei ringawta pe dawk ngailo dingin a hril a, hiengang Worshop neina Area lai ngei khawm hi hieng thil lo tuok tasa an ni leia hi hun hi hmangpui an ni thu a hril. Hmatieng peia khawm hiengang hi Tuithaphai lai ngei la thaw nawk vat an tum thu le Hmarbiel (Tipaimukh Area) a hiengang hun hi kum thar ah an hmatieng la buotsai an tum thuhai Hmasawnna Thar Palai kuomah a hril.

LRS Puruolte| Photo: HWA GHQ File Pictures





Margareth Tryte,  Advocate hi hun a hin tawnginlettu a nih


Post a Comment

  1. Makayla OxleyNovember 08, 2014

    CCPur, 5th Nov.,2014: Pu Bob Buhril, Common Assistant, Hmar Inpui in inhriettirna a siem dungzuiin installed tlung damage 6th Nov, 2014 khin VTI Center, Muolhlum, Rengkai ah Hmar Inpui Unique Set up nei ning a tih. Hi huna hin Inpui Danbu siemfelna le thu pawimaw dang dang hai ngaituo ning a ta, mi tukhawm inhnikna nei taphawt hai chu thang ding'n fielna a siemsa nghal.


    Spybubble

    ReplyDelete

Powered by Blogger.