CCPur, October 4, 2014 (HT): Boruok sik le sa inthlakthleng (climate change) le global warming (lumna) pung pei chun ei nitin nun khawsakna kawnga harsatna an tlun mek lai zingin ruotui tlak huna ruotui ei hmunaw leiin loneitu hai chun harsatna an tuok tan mek.

Ei thu dawngnain a hril danin Muolbem lo zau tieng-a loneitu hai chu an Bu hai buhri in nasa taka a suksiet leiin an beidawng ta takzet. Saikot MDC hmalakna leiin loneitu hai chun tukum ruotui mumalnaw tak karah loneituhai chun lo hai inletin bu an phun thei hram a ni a. Sienkhawm, tui mumal umnaw leia tui thar luonglut le a hlui luongsuok ding a um bawk naw leiin bu hrik mak taktak hin a hung man zui ta niin an lang. Thenkhatchun mi sum puk fawm dama lo hi an nei a ni a, an bu hai buhrik in a hung thaw nawk hin loneituhai chu a sukbeidawng a ni a, Agriculture tienga thuneituhai kuom intlun pektu ding an mamaw hle. Lo thenkhat lem chu sik ding um lo khawpin buhrik hin an bei nia hril a ni a, bu hrik hai hi ni 7 dam an dam a, pakhatin tui 500 vel an nei thei a, an tui hi ni 3 sung in a keu hman a, damdawi kap khawmin umzie a nei man gnaw niin an hril.


Loneituhai chun, Manipur sawrkar hin loneituhai chu a ngaisaknaw niin an intum a, Mizoram a hiengang thil hi tlung sien chu MLA, minister le CM hai khawm thangin a hmun ngeia thil umdan enfelin thangpui thei dan lampui an dappui ta ngei an ring thu hrilin Manipur sawrkar chu an inthiemnaw hle. (inputs from LRsiem Neitham)

Post a Comment

Powered by Blogger.