Khovel thim entu ~ Lalruotmawi

Krismas ni lawm um ~ Lalruotmawi

Lal pianhun pangpar ~ Lalruotmawi

LAL pieng ni kawl ~ Lalruotmawi

HSA Platinum Star Hunt - 1st Round

HSA Platinum Jubilee Star Hunt 1st Round ~ Khel Bazar

Aw kan Hmarram~ HSA Shillong Platinum Jubilee Choir

Kum 16 hnungah Shillonga hmuna Sikpuiruoi ropui taka hmang a nih

Shillong, 5th Dec.2013: Vawisun HYA JHQ Shillong huoihawtna hnuoia Sikpuiruoi U So So Tham Auditorium, Shillong hmuna ropui taka hmang a nih. Tukum Sikpuiruoi hi 1996 a HSA huoihawtna hnuoia an hmang hnung kum 16 hnunga hmang nawk hmasatak a nih. Hi hun a Chief Guest in Pu David Neitham, APS, Commandant, 9th Assam Police Battalion, Nagaon, Assam hmang a ni a, Guest of Honour in Pu Ramthienghlim Varte, Sr. Anthropologist (P), ASI, Govt of India, Shillong , Special Guest in Dr. Jemino Mawthoh, Honourable MLA, Nongthymai Constiuency, Shillong hai hmang a nih. Sikpui-Pa in Upa Neisel Hmar hmang ani bawk. Anni hai bak a hin Guwahati Hmar Welfare thuoitu hai le Guwahati nunghak le tlangval iemanizatin an hung hmang pui ve a nih.

Hi huna hin HSA Jt. Hqrs. Shillong haia inthawkin hlawpawl ngaithlak a ni a, hi bak a hin naupangte haia inthawkin cultural dance mawitak el en a nih. Chief Guest, Sikpui-Pa le Special Guest haia inthawkin thu ngaitlakna hun hai nei a nih. Local Artistes thiem tak tak el - Tv. Joshua Buhril, Nk. Herlin Sinate, Tv. Michael Changsan, Tv. Isaac Lalmalsawm Songate, le Nk. Jennifer Nianglawmkim haia inthawk le Guest Artiste Tv. Vincent Hekte Hmar a'nthawkin rimawi ngai nuom um tak tak ngaithlak a ni bawk.

Mr. & Miss Sikpuiruoi thlangna nei a na, Mr. Sikpuiruoi dingin Tv. Josia Khawzawl le Miss Sikpuiruoi dingin Nk. Debetry Varte hai thlang an nih.

Program hi buoina um der lova hmang zo a nia, ruoi khawm ropui taka the a nih.