Tuiṭhaphai, November 11 (HT): Hmar Youth Association (HYA) GHQ Executive Council le 14th Triennial HYA General Conference chu November 12, 2025 hin Rengkai, Tuihaphai, CCPur-ah ṭan ning a tih.
Nilaini sun dar 11 hin HYA GHQ Meeting Hall, Rengkai-ah Executive Council inṭhung ning a ta. Financial report ngaithlak ning a ta, rorelna um bawk a tih.
November 13, 2025, 11AM in Rengkai Community Hall-ah 14th Triennial General Conference um a ta. Rorelna bakah kum 2025–2028 sunga HYA GHQ ṭhuoitu ding thlangna um bawk a tih.
Hmar Inpui GHQ chu Election Commission-a ṭhangin inthlangna hi huoihawt a tih.
HYA GHQ chun November 13, 2025-a HYA Conference hmang huna hin HYA Patron Members le Life Members hai chu a bik takin ṭhang seng dinga inhriettir in fielna a siem a. Mimal fielna siem a ninaw leiin Chanchinbu fethlenga fielna hi mimal fielna anga pawmpek dingin a ngen bawk.
