Responsive Ad Slot

Bethesda School & College of Nursing in Lamp Lighting & Oath Taking-cum-Graduation Ceremony 2022 an hmang

Wednesday, April 6, 2022

/ Published by VIRTHLI

Muolvaiphei, April 6, 2022, Virthli (ONP): Bethesda College & School of Nursing (Muolvaiphei Rural Health & Research Centre) chun vawisun April 6, 2022 dar 11:00 a.m. khan MRH & RC Campus, Muolvaiphei ah Lamp Lighting & Oath Taking Ceremony - cum- Graduation Ceremony ursun takin an hmang. Hun hawng ṭawngṭaina Rev.(Dr.) J.L. Songate, Principal SBC in a nei a, Elfleda Lallienhnem in lawmlutna thucha a hril zoin Mercy Zonunsiami in 'The ICN Code of Ethics for Nurses' hrilna a nei.


Hi huna hin Chief Guest- Pu V. Vumlunmang, IAS, Addl. CS (Health & FW | GAD | CADA | Cooperation) Govt. of Manipur in Lamp Lighting hunser a hmang a, inchuklaihai ta dingin thu ṭha tak tak el a hril. Guest of Honour- Dr. K. Rajo Singh, Director Health Service, Govt. of Manipur le Functional President- Dr. Kim Simte, CMO, CCpur hai khawma thu ṭha tak tak an hril.


Hi huna hin B.Sc (N) inchûk ṭan mek mi-30 (6th Batch) le GNM inchuk ṭan mek mi- 39 ( 27th Batch) ha'n Lamp Lighting & Oath Taking an nei a, Graduate thar- GNM mi- 36 (24th Batch) le B.Sc (N) mi- 28 (2nd Batch) hai kuomah Course Completion Certificate inhlan an ni a, Rev. Lalneikhup Hmar, Secretary Ministries & Edn. ICI in GNM le B.Sc (N) zo thar hai ṭawngṭaipekna a nei.


Program hmang huna hin inchuklai a thaw ṭha bîk hai kuomah Award chi tum tum inhlan a ni a: B.Sc (N) zo thar hai lai Academic Excellent Award- Ms. Eileen Lungdipar Pakhumate, B.Sc (N) D/o Mr. Emmanuel Pakhumate of Muolhoi, Haflong, Assam kuomah inhlan a ni a, GNM zo thar hai lai  Academic Excellent Award hi Ms. Jooune Fimlienmawi Zote

D/o Rev. V. Lalṭhalien Zote of Sielmat kuomah inhlan a ni a, Best Conduct Award-

Ms. Tinneithem

D/o Khaithang Haokip

of Lhanjang kuomah inhlan a ni bawk.


Hi huna hin inchuklai han hnam dang thuom, chi 20 chuong lai zet pholangin traditional show hmu nuom um tak el an nei.


Rev. B.L. Sandam, Executive Director, MRH & RC in lawmthu hrilna a nei zoin Rev. J. Thanglur, Secretary Mission, ICI in hun khar ṭawngṭaina neiin hun suktawp a ni a, refreshment kiltlang niin hun hlimum tak el hmang a nih.

Don't Miss
© all rights reserved
made with by Simon L Infimate