Hmar Inpui 10th Executive Council in a rel, 14th General Assembly in a lo namdet angin a hnuoia points 2 hai hi Hmar mipui hai in inza taka an zawm theina dingin THUSUOK siem a nih.
1. Resolution no. 4: Hmar Inpui-in a sut “Hmar Hnam Dan” Enlarged and Revised edition-2024 thua thulut hriltlang a nih. “Hlamzuia thi” thu a hin nu sunga inthawka a thisaa pieng hi hlamzuia thi ti a ni a; Chun nu-in a hringa nau a nei hai ruok chu hlamzuia thi ni naw sien ti hi Hmar Inpui ditdan a nih.
Tuta inthawk chu khawlai hmuna khawm Nu-in a hring le a dama nau a nei ta hrim hrim in thina a tuok chun hlamzui thia bawisawm ni ta naw ni a, puitling thi anga bawisawm ni tang a tih, ti hi Hmar mipuihai hriet dingin kan puong.
2. Resolution no. 6: Hmar Inpui huom sȗng po povah pahnam bing Association/Laibung Association etc. siem hlak hi hnam inthuruolna le inpumkhatna a khakbuoi hlak nia an lang leiin hieng ang inkeibingna Association hi sukbo ni sien ti thulȗt hriltlâng a nih.
Laibung le far le zuor bovin mimalin tukhawm a ngir thei ei um nawh, fe pei a tih. Amiruokchu, hleiluoka inkeibingna awnzawnga Association insiema hmadawm le hmalâk lientak siem ni naw sien ti hi Hmar Inpui ditdan a nih.
A chunga THUSUOK points 2 pawimaw deu deu hai hi Hmuntina Hmarnau hai in lo zawm seng dingin ei in ngen a nih.
Issued by:
Department of Information & Publicity.
Hmar Inpui GHQ
