Tuiṭhaphai, May 22, 2025, Virthli (ONP): Vawisun khan Hmar Students' Association Tuiṭhaphai Joint Headquarters chun "Career Guidance cum Felicitation " Programme chu HL Daka Memorial Hall, HSA Campus, Rengkai hmunah hlawtling takin an hmang
HSA Tuiṭhaphai JHQ chun inchûkna In (School) HSLC Exam 2025 result suok a 100% Pass Percentage nei hai châwimâwina hun a hmanga, chun HSE Exam 2025 result suok a Churachandpur District-a pass percentage nei ṭha tak Sielmat Christian Higher Secondary School chu chawimawina an inhlân bawk a nih.
Hi hun a hin Mr. Jefnet Lalṭansang AICO (MHA) le Mr. Remnalal Darngawn, Founder & Principal, Horeb Educational Academy, Rengkai, Muolhlum hai chun inchûklai fêkhâwm hai chu Career/inchûkna le inzawma hrilhrietna le infûina thucha ṭha tak tak hrilna hun an hmang.
HSA Tuiṭhaphai JHQ chun hi programme hlawtling theina dinga Resource Persons, inchûklai, inchûktirtu fêkhâwm hai chungah an lawmthu an hril.
.webp)
