Responsive Ad Slot

'TANG AU AWARD 2023' Virthli (Online News Portal) inhlân

Thursday, March 9, 2023

/ Published by VIRTHLI
CCPUR, March 9, 2023, Virthli (ONP): Vawisûn, March 9, 2023 khan The 20th ZOGAM. COM Anniversary lâwmna le inzawmin, TANG AU AWARD 2023 inhlânna hun Green Hills Hotel & Resort, Mata Mualtam, CCpur-ah hmang a nih. Zogam.com a kum 20 tling lâwmna hunser a hin Zogam.com Founder- Ginza Vualzong le Admin han candle lighting hunser an hmang. 

Hi huna hin Print Media, Electronic le Social Media, category hran hran a TANG AU AWARD 2023 hi semsuok a ni a,  Social media category ah Online News Portal~ VIRTHLI khawm TANG AU AWARD 2023 hi inhlân a ni ve a. Virthli Team âiawin Tv. Muona Infimate, Virthli Admin in Award hi a hang lâk. VIRTHLI palaihai bâkah, Tv. V.K. Pangamte, Asst. Secretary, HWC & Joint Secretary, HLS khawmin hi hunser hi a uop ve. Print Media category ah Hmar Daily Newspaper~ HmasawnnaThar khawm Tang Au Award 2023 hi inhlân a ni a, Pu Lalmalsawm Selate, Editor in Award hi a hang dawng.
Hi huna hin RDi, S. Pauginmuan & Mwanlal Tunglut ha'n thiem êm êmin hla'n mipui an inâwi a, zântieng Anniversary ruoi inhnik taka kîl tlâng a nih.
Don't Miss
© all rights reserved
made with by Simon L Infimate