Responsive Ad Slot

Independent Church of India Meghalaya East Presbytery Golden Jubilee ropuitaka hmang

Monday, January 16, 2023

/ Published by Simon L Infimate

Saipung, January 15, 2023, Virthli (ONP): Independent Church of India Meghalaya East Presbytery chun ''Ni Sandam lomna ne pe nok roh'' (Psalm 51:12) thupuia hmangin January 13-15, 2023 hun sung khan Saipung, East Jaintia Hills ah ropuitakin Golden Jubilee an hmang. Golden Jubilee lâwmna hunser a hin Rev. L. Ramropui Ṭhiek, P/S in Jubilee lung phun hawngna a nei a, mi 50 han Jubilee Dâr an vuok a, Rev. Lalneikhup Hmar, Secretary, Ministries & Education ICI in Jubilee Souvenir a tlângzar. Jubilee lawmna hunser a hin Rev. Lalneikhup Hmar, Rev. Lalrohlu, EAL ICI le Rev. Ramchuoilo Varte hai a'nthawkin Pathien thucha ropuitak tak el ngaithlak a ni a. Jubilee hunser a hin ICI Meghalaya West Presbytery, Assam Hills Presbytery, Aizawl Presbytery, ICI CKṬP le ICI Secretariat Sielmat anthawkin greetings ngaithlak a ni a. Jubilee hunser a hin ICI Central Choir, Meghalaya East Presbytery Choir, Pastor Richard Rosiemlien Tryte le Nk. Ramtharmawi Khuoingoi hai anthawkin inpâkna hla hai ngaithlak a nih. Golden Jubliee Lung phun hi Pu Ramhlun Darnei in a tum a ni a, Meghalaya East Presbytery a hin Rev. L. Ramropui Ṭhiek P/S, Pastor Darsiemlien le Pro Pastor Ramhluothang Inbuon han rawng an bawl mêk.



Golden Jubilee hmangna hunser a hin Rev. Laneikhup Hmar, Secretary Ministries & Education ICI in Saipung-ah Standard English School hawngna a nei a, hawngna hunser hi Village Headman- Pu Hima Darnei, Geoffery L Sungte, Saipung SES Headmaster, Ramhlimum Joute, Inspector of School, Upa David L. Lungṭau, Chairman, Education Board ICI, Pu Priceless Darnei, A.B Hima Darnei MDC le Rev. L. Ramropui Ṭhiek P/S han an uop.

Golden Jubilee lâwmna hunser a hin thu le hlaah hlim taka inpâwltlângna nei a ni a, Jubilee Ruoi mi 800 bâwrin a'n kîltlâng a, hlim le lawm takin Golden Jubilee hmang a nih.

Don't Miss
© all rights reserved
made with by Simon L Infimate