Responsive Ad Slot

EFCI Vangai Presbytery Kristien Țhalai Pawl 50th Annual Conference -cum- Golden Jubilee hlim le lâwm taka hmang

Monday, January 16, 2023

/ Published by Simon L Infimate

 Patpuihmun Vangai Sumtuk, January 16, 2023, Virthli (ONP): Evangelical Free Church of India, Vangai Presbytery Kristien Thalai Páwl chun January 12-15, 2023 hun sûng khan 50th Annual Conference le Golden Jubilee phuisui takin Patuihmun ah an hmang. Hi huna hin Unit 9 a inthawkin mikhuol 470 bãwr vêl infinkhawmin Patpuih Golden Jubilee Lung phun hi Rev. Lalramtluong Hmar P/S, EFCI Vangai Presbytery in a hawng a, Golden Jubilee Dár vuokna hunser Vangai Presbytery sûnga mi pawimaw tak tak han an nei a, Upa Hmingthanglur in Jubilee 'Souvenir' a tlângzar.


Hunser hmang a ni hun a hai Pathien thucha, Rev. Lalramtluong Hmar P/S, Pro Pastor Hmingthanglien, Pastor Lalrohuol, Upa Lalenghlun, Presbytery Chairman le L. Mansung Ex-Chairman hai a'nthawkin ngaithlak a nih.



Hi hun a hin thu le hla el khêl ah Games & Sports hai hmanga insukhlimna  nei a ni a, Unit tin a'nthawk team in siemin, football le volleyball hai inhnelna hun hmang a ni a, Games & Sport a hin Chief Guest in Tv. Obed Amo hmang a nih.


Golden Jubilee Ruoi khawp le tlei takin kîl tlâng a ni a, Jubilee Ruoi hi mihriem 600-800 bawr vêl in an kîl tlang. Jubliee lâwmna le inkhâwmpui sûng hin Vangai Presbytery Choir in inpâkna hla tieng rawngbâwlna an nei a, an ni bâk a hin Unit sûnga KṬP members hlasak thiem hai a'nthawk khawmin inpâkna hla hai ngaithlak a nih.


January 15, 2023 in D.R. Ṭhuoma Memorial Hall, Patpuihmun-ah Worship Service hlim takin hmang a ni a, hi huna hin Lalchawmlien Saibung, Secretary le Zoparlien, Vice-Chairman han Vangai Presbytery ta dinga mi pawimaw le inpezo tak tak hai kuomah Chawimawina Thuziek Memento inhlanna an nei a. Hun tâwp tieng David Chonglien, Chairman VPKTP in lâwmthu hrilna neiin Worship Service hunser hi hlim taka hmang zo a nih.


Hi huna hin Nk.Phirthangzo le Tv. Lalhlanful hai keihruoina hnuoiah Hla Ruoi ṭhe a ni a, Unit tin a'nthawka hlasak thiem le, talent țha tak tak nei han an talent hai an pholang. EFCI Vangai Presbytery Kristien Ṭhalai Pawl 50th Annual Conference le Golden Jubilee lâwmna hunser hi thlâkhla tak pumin hmang zo a lo ni tah.

Don't Miss
© all rights reserved
made with by Simon L Infimate